الصداقه!!!!!!!!!!!!!!!!!!! وماذا حل بها ؟

سلام حوائيات كيفكم ان شاء الله الجميع بخير وعافيه

انا عندي استفسار من فتره وانا افكر فيه وشاغل بالي

بنات ايش الي صار في الدنيا معاد فيه صداقه مثل اول صارت الناس ما تصادق

احد


الا عشان مصلحه واي شيء اخر ليش كذا لا والا سالفة الي تسرق زوج صاحبتها :angry2:
والله صارت الدنيا تخوف والا صديقتك جالسه تحش فيك عند خلق الله وانتي

ياغافلين لكم الله يعني لهذه الدرجه الناس تغيرت الله المستعان والله مرت علي نماذج

كثيره من هل الاشكال لا والادهى والامر الي تقول انا اعتبرك مثل اختي واحنا مثل

الاخوات وهي شغاله حش ونميمه :30:

والله الواحد صاريخاف من مجرد كلمة صداقه الله يعيينا بس

اتمني من كل وحده تدخل الموضوع تكتب رأيها في الصداقه وهل حصل لها موقف

مع الاصدقاء او لا :(

يالله نراكم ياحلوين:26::26:

21 تعليق 1,614 مشاهدة

شاركي في النقاش

سجلي الدخول لإضافة تعليق.

التعليقات

20
  1. @aalgryhh


    ماعاد فيه بهالزمن صداااقه الا من رحم ربي"
    ماتامنين على سرك ,على كل كلمه قلتيهاااا لها
    المشكله التمثيييييل ابد ماتشكين فيها متقنه الدور
    قلبها عليك وياحرااام تبكي لحزنك و......>
    وبالآخر فجأة كل هالعمر كذب×كذب,
    كانت لي صديقه خمس سنوات تعرف عني اللي مايعرفه احد
    شاركتها بكل صغيرة وكبيرة بحياتي
    وعلى كلامها هي نفس الشيء ..
    وبالآخر زملاة في الدراسه وصداقه وتواصل بعد التخرج
    اكتشفت بلحظه انها كذابه
    اشك بنفسي ولااشك انه بيوم بان عليهاااا
    وكلن راح بطريقه حتى سبب الفراق ماتدري به الى هاللحظه
    عرفت وكتمت الموضوع على ايش وجع الراس
    كل شيء بااااان/
    ياليتها كانت كذا وبس حتى الصداقه مع القريبات نفس الشيء ,
    الله يكفينا شر خلقه
  2. @monalyza2

    للاسف اختي هالواقع ماتت الصداقه

    والله لو تعرفين شو سوو فيني اعز صديقاتي تمسكين راسك

    بجد شفت الويل والخيانه والحش والسب والطنازه منهم وما كنت مصدقه لين الله كشفهم قدامي وشفت بعيني
    وسمعت باذني

    والي حاولت تاخذ خطيبي وتغريه بشتى الطرق حت وصلت لدوامه وخذت رقم جواله والحمدلله الله كشفهم وهو قال انها جاته بنفسها بسانا عفته وما تزوجته شو تقولين؟؟

    والي متفننه فيني ترسمني وتضحك البنات علي شو تقولين؟

    والي تبيني مصلحه اصرف عليها وتبي تتمشى على حسابي شو تقوين؟؟

    الله يهدي الجميع يارب

    بجد انا تعقد من الصداقات عشان كذا ما أأتمن احد لاني شفت الويل والله
  3. @alghzalh_albydaaa

    صاحبة الموضوع
    اختي الجريحه وموناليزا٢ مشكورين على المرور وعلى ذكر تجاربكم والله يعوض علي وعليك في صداقاتنا الخربوطيه لكن المحزن في الموضوع لما اتذكر نفسي وكيف كنت مأخذه موضوع الصداقه من قلب حتى امي والله كانت تقول والله ما احد داري عنك كلها فتره وهذا كله بيروح بس ما كنت مقتنعه بكلامها الله يعين لكن ما اقول الا الله يخلي لي امي و اخواتي ولا يحرمني منهم
    والله هنا في الغربه عرفت معنا كلمة اخت مو صديقه

تابعي تجارب أخرى من هذا القسم.