بنتي كل يوم عند عماتها

بصراحة مو ضروري كل يوم عندهم على الاقل خميس وجمعة عشان ما تتعود بكره صعبة تمنعينها

لا ياقلبي اول شي بيكون ارهاق عليها مدرسه وتحفيظ وبعدين جدتها ثاني شي كيف تربينها وتتقربين منها وانتي ماتشوفيها كم ساعه عللى بعض انتبهي لبنتك وخليها تروح بس مو كل يوم يعيني بعد يومين شويه وترجع انتبهههههي عليها هي امانه عندك خاصه اذا كان فيه عيال والله يحفظها لك

خليها يومين بالاسبوع وبس
انتبهي لها خاصة اذا فيه اولاد من جد هالزمان يخوف ياما سمعنا عن مصايب بين المحارم الله يسترعلينا وعلى بنات المسلمين
وقوي علاقتك فيها تكلمي معاها والعبي كأنك صديقتها

خليها الويكند طيب تروح بس اذا انتي تحسين مشكله روحتها كل شوي

واللي تقول ترى مابينتبهون للبنت حرام عليك خافي ربك هذولي اهلها

ومابيرضون يصير للبنت شي استغفر الله عليكم ردود ترفع الضغط

مافيها شي حبيبتي الا اذا انتي تعرفين بنتك مزعجة مثلا

اذا تحبين تمارسون مع بعض هوايات و ألعاب ( رسم - تركيب - اعمال يدويه - طبخ )

خليها تتشارك معك يومين بالاسبوع على الاقل ، اقصد يكون فيه نشاط مشترك بينكم



بس بيني و بينك بكرة اذا كبرت بنتي ماراح أخليها تنزل لجدتها كل يوم مو عن شي فيهم لا و الله ، بس بنتي ابي اربيها و أشكّلها انا على كيفي ، ما ابي اخليها على كيفها ، تروح و تجلس مع كبار و تسمع سوالف يمكن ماتناسبها ، او أي شي أنا ما أبغى أعلمها عليه