السلام عليكم ورحمه الله وبركاته
كاس وداير يا بنتى
انا كنت زيك بنتى اول ما بدات ترضع كانت بتمضغ الحلمه شوفت ايام ربنا وحده اللى عالم بيه وكنت ابكى من كتر الالم واستخدمت كل انواع الكريم اللى تخطر على بالك وحطيت فيتامين eعلى الحلمات لكنى ما جربتش الحلمه الصناعيه
الخلاصه:اولا تعالى على نفسك واتحملى الالم وخلى الطفل يرضع من صدرك لو تحبى من واحد بس فى المره وخلى التانى يرتاح والعكس
ثانيا:اعتقد افضل كريم كريم التسلخات زى بانثينول او الفيتامين بس حاولى اتك ما تنسيش تغسليه لانى بصراحه كنت بانسىعلشان كده فى الاخر مابقتشى احط حاجه
ثالثا:ابقى فى اخر كل رضعه تاخدى كام نقطه من لبنك وتدهنى بيه الحلمه وتسيبيها تنشف عليها اعتقد انها احسن شئ فادنى.
رابعا الالم باذن الله هيروح لوحده وباذن الله بعد كده مش هتلاقى الم الا كل فتره وفتره وهيكون سببه ان الطفل مش بياخد الهاله مع الحلمه ساعات بياخد الحلمه بس علشان كده حاولى تظبطيها صح
ارجو انى اكون فدتك ودعواتى ليكى بالشفاء العاجل
مشكلتي مع الرضاعة اوقعت نفسي فيها... ساعدوني ارجوكم
متابعة النقاش، صفحة 3