ساعدوني حياتي تلخبطت فوق تحت بنفجر
بناااااااااات والله مالي غيركم انا شفت المنتدي وشفتكم تساعدون بعض قلت بحط مشكلتي واكيد انتو مابتقصرون معي انا مشكلتي حماتي الله يهديها هي مره حبوبه وتمام معاي وتنحط علي الجرح يبرا بس من اسبوعين قالت لي بنتي عمرها 13 سنه يبيلها تقويه بالانجليزي قلت لها ابشري انا ماارد لها طلب وساعه باليوم عادي مو مشكله المهم اول يوم جت البنت قعدت معاي ساعه ذاكرت لها طبعا طلعت ماتفهم شي ابد ابد قلت ماعليه نعلمها شوي شوي وثاني يوم جات من الساعه 4 العصر ولا اشوف جالها السواق قلت لها ماجا السواق قالت لي لا امي قالت استني لين يجي خالي يرجعني بيتنا وزوجي مسكين شغله دوامات يوم يجي بكير ويوم يجي الساعه 9 وتخيلو انا عروس جديده ماصار لي شهرين تقعد عندي من 4 الين 9 واحيانا 10 ويجي زوجي مسكين ميت من الشغل ويطق مشوار يرجعها بيتهم والبلوة انا لا اعرف البس ولا اسوي شي قدامها ولا حتي اقدر اسوي العشا لانه احيانا يجي معها اخوها الصغير عمره 7 سنوات بعد اذاكر له ومزعج ويعفس البيت فوق تحت طلبتكم ساعدوني ابي حل اني اعتذر لها او اي شي بدون ماتزعل واخوها مستحيل يكلمها هو بعد يحبها موت وحتي ضيوف باللليل او العصر صرت مااستقبل حتي ولد اخوي بيته قريب من بيتي الاول يمر علي يسليني اذا زوجي بره والحين مااشوفه ابد والسبب هي دايم موجوده تكفون الي عندها حل والله لادعي لها كل يوم وكل ليله الله يحرم وجيهكم من النار يارب ويوفقكم