إلى كل منطلقة{الحياة تنتظركِ وأنتِ تنتظرينه}ملفنا الـ 26 يوم الأحد الموافق6/1/1432هـ

متابعة النقاش، صفحة 278

شاركي في النقاش

سجلي الدخول لإضافة تعليق.

التعليقات

1,415

  1. ياخواتي انا لي فتره منفصله


    وتوني اعرف عن هالضمان ورحت قدمت وقالو تعالي بعد 3 شهور


    علموني في اشياء ثانيه غير الضمان


    سمعت يوزعون اراضي بس وين اروح واجي

    علمووووووووووووني بكل شي خلوني استفيد واحتسبو فيني الاجر مع العلم اني من الرياض


    جزاكم الله خيرر

    بليز راسلوني على الخاص

  2. @khthlny

    @أوراق الخريف@
    سبحان الله وبحمده سبحان الله العظيم
    مساء الخير

    انا مثلكن منطلقة ومتابعه للملف من زمان أسأل الله أن يعوضنا خيرا

    أبي اسالكن من اللي مثلي عايشه لوحدها مع عيالها ؟؟
    انا وضعي ولله الحمد زين بس احس بالوحدة كثير احتاج لصديقة بنفس ضروفي معها اطفال بنفس عمر اطفالي ابي نكون زي العايلة نطلع مع بعض ونتبادل زيارات ولدي عمرة 7 سنوات يفتقد الناس وهو اجتماعي كثير لاحظت عليه انه دائما يقول لي مانعرف احد الاجارتنا وخالتي ويقولها بتحسر كبير اثر علي كثير وحسيت بتأنيب ضمير لكن مو بيدي احزن كثير لما تجي العطل والأعياد لأننا لوحدنا الكل بأجتماعات واحتفالات وانا وعيالي ببيتنا ماعندنا الأ قريبتيبس ماأبي أثقل على قريبتي ومااقدر اروح لها بكل وقت لأن لها حياتها وبيتها وزوجها ولا ابي أنكد عليها حياتها بوجودي وعيالي
    ابي أسال اللي بوضعي وشلون تتصرف
    وأبي أسالكن في احد منكن عندها صك إعاله على نفسها وكيف حصلت عليه؟ وهل هو سهل الحصول عليه ؟
    لأني بعد أعااني من وجود ولي الامر بكل مكان اروح له لدرجة أني ماأقدر استأجر بيت بأسمي مع أني موظفة وراتبي زين ولله الحمد
    تعبت يااخوات كثير تعبت قول لي وش الحل     ؟؟

  3. @romnsyh_hzynh

    emisweet
    ياخواتي انا لي فتره منفصله وتوني اعرف عن هالضمان ورحت قدمت وقالو تعالي بعد 3 شهور علموني في اشياء ثانيه غير الضمان سمعت يوزعون اراضي بس وين اروح واجي علمووووووووووووني بكل شي خلوني استفيد واحتسبو فيني الاجر مع العلم اني من الرياض …

    ياقلبي عليك كلنا كذا الله يكون بالعون الضمان ماعندي فكره عنه لاني موظفه ولله الحمد


    والمطلقه الموظفه تنحرم من كل شي لو راتبها 1000 ريال بس وقال ايش العيال لهم اب عايش



    اما تقديم الاراضي يحق لك وبكل جداره بس لازم يمر سنتين كاملالالالات على صك الطلاق


    بعدين تروحي البنك العقاري يطلبون


    صك طلاقك ودفتر العائله اللي انتي مضافه فيه او البطاقه الشخصيه

  4. @aorak_alkhryf_6

    emisweet
    ياخواتي انا لي فتره منفصله وتوني اعرف عن هالضمان ورحت قدمت وقالو تعالي بعد 3 شهور علموني في اشياء ثانيه غير الضمان سمعت يوزعون اراضي بس وين اروح واجي علمووووووووووووني بكل شي خلوني استفيد واحتسبو فيني الاجر مع العلم اني من الرياض …
    مافية للمطلقة الا الضمان وقطعة ارض
    الارض اتوقع تقديمها عند أمانة المنطقة (البلدية)

  5. @romnsyh_hzynh

    خذلني
    مساء الخير انا مثلكن منطلقة ومتابعه للملف من زمان أسأل الله أن يعوضنا خيرا أبي اسالكن من اللي مثلي عايشه لوحدها مع عيالها ؟؟ انا وضعي ولله الحمد زين بس احس بالوحدة كثير احتاج لصديقة بنفس ضروفي معها اطفال بنفس عمر اطفالي ابي نكون زي الع…


    ياقلبي عليهم دمعت عيوني تذكرت حال عيالي بس عيالي ظروفهم احسن شوي


    عندهم اخوان من ابوهم وعيال عم كثيييير مشاء الله


    وكل فتره يجي ابوهم ياخذهم بسسس مهما كان الاطفال من غيرابو صعععععبه


    على نفسياتهم ولا من النواحي الثانيه انا مو مقصره وهو الله لايفقه مايعرفهم بشي


    مع انه مقتدر حتى ملابس العيد لما يطلبوه يقول روحو لامكم البنك مليان حسبي الله عليه

    زوجي الثاني طيب معاهم بس ربي ماكتب اكمل معاه حسبي الله على من كان السبب


    الله يوفقكن جميعا يارب

تابعي تجارب أخرى من هذا القسم.