الموضوع مغلق

الله لايحطكم بمثل موقفي تعالو شوفو وش سويت بالضيفه الي اول مره تطب بيتي الجديد >قديم<

اه يابنات والله بحياتي كلها ماانحرجت مثل هالاحراج









من جد مالي داعي



ذا الله يسلمكم الثلاثاء الي فات نمت بدري من زود السناعه


لاني صرت انام بدري واصحى بدري بنظم حياتي لا عادها الله من سناعه جتني




المهم ذاك اليوم نمت بدري والي ساعد زوجي كان بعمله فنمت ع 11 يوم جاء الفجر واقوم اصلي وانا بقمه النشاط ومافيني نوم


قمت صليت وعينت من الله خير وافطرت

وطلعت دجاجتي وكالعاده تنظيف ظاهري هههههههههههههههههههههه




انا شقتي جدا صغيره مره ماتتخيلو صغرها فدايما انحاس بالاشياء الزياده بالبيت فمجلس الحريم قلبته غرفة غسيل وكوي بحكم مايجيني احد ابد من تزوجت والله لااعدهك ع اصباعي منو جاني واغلبهم قهوه مو عشى فقلبت غرفه الحريم غرفة كوي وغسيل والاشياء الزايده عن حاجتي ههههههههههه


يوم جاء الاربعاء المشؤم <تذكرت جده استغفر الله العظيم حرام نربط يوم من ايام الدهر ونطير منه ونتشائم منه


المهم جلست ع النت وجلست احوس ادور طبخه اسويها لمليحي اليوم



ومالقيت طبخه ع مزاجي


بالاخير سويت دجاج الملوك ورز ابيض وصينية بطاط < اذا تبون طريقة الغداء ابشرو تراه يجنن ومره مات عليها زوجي واهل زوجي لاني ارسلت لهم هههههههههههههههههههههه:2thmup:


يوم تغدينا بحلقي كلام ابي اقوله للمليح وابي مشوار ضروري مره وهو عمله ع 6 المغرب

فقلت له تكفى وتكفى تهز جبال يامليحي نروح بعد العصر ع طول تكفى قالي طيب مو دلعته بالغداء لاني طلبته اليوم الي قبل ورفض



فقلت خلاص الحين الساعه 2ونص بنام وعقب العصر قومني اصلي ونروح



رحت بنام الا سلفتي تدق بتسالني عن سالفه وعلمتها وقلت خلاص ارسلي الاعراض قالت لي ماينفع نجي مع الاغراض قلت الا الله يحييك والله مابغيتو تجون بيتي لان ساكنين انا واهل زوجي وكلنا بعماره وحده فدايم الاجتماع ببيت اهل زوجي:icon32:


قلت خلاص فلان عمله ع 6 لو تاكد تجون ردي خبر


انا عاد انسدحت وطار النوم من عيني تذكرت غرفة الحريم وطار عقلي

بس اعرف لو مانمت وانا من الصبح صاحيه بصدع فلازم انام


واسمع جوالي يدق وطنشت الا صوت رساله بعد ماصليت اقرأ الرساله الا تقول بجي وبتجي اختي معي


اختها من سكنت بيتي الجديد لي 3 سنوات ماطبته


دايم اقابلها عند سلفتي كمان استحي منها كبيره شوي بالسن بناتها اصغر مني بكم سنه بس:06:


قومني زوجي نروح المشوار

وربي قمت بدون عقل توضيت وصليت ولبست قميص طارف يجيب الهم روز مثل شراشف الصلاه ع ملابسي الي علي <حرمه لا عرفت ان فيها مشوار ضيعت عقلها هههههههههههههههههههههههههه:024:


ورجعت ع 5 وعليها وزوجي يبي شاهي لا وجلس يتابع مباراه ماطلع الا خلاص واصله معي بخلص شغلي قمت اشتغل واحوس ونظفت البيت وصار مثل الورده واتفقت معها لايجون الا ع صلاء العشى



المهم قلت اتروش عشان اتنشط وانظف مثل بيتي واصير ورده هههههههههههههههههههههه ع بال ماتخلص القهوه



قبل ادخل اتسبح ارسلت لسلفتي طلعتو قالت تونا طلعنا انا ببالي اختها جتها وكلهم بيجون اثر كل وحده جايه لوحدها وانا ماادري:35:



فاعتمدت دخلت اتروش ع بال مايجون وانا توني بقول بسم الله الا الباب يدق رجعت قميصي ورحت افتح ع بالي شغالة عمتي بتجيب شي والا بتساعدني وافتح الباب بسرعه




الا الحرمه بوجهي :o


ياربي مو من زين شكلي والله قميص يجيب الهم وروز لونه احمر فاقع ههههههههههههههههههههههههههههه والشعر يشكي والوجه ذبلان من الكرف بالبيت وحالة تحزن




ردة فعلي تخيلو قفلت بوجهه الباب وقلت لحظه هههههههههههههههههههههههههههههههههههههههههههه:eek:


واطير بغرفتي فيني الصيحه وادور اكشخ قميص عندي < مصره ع القمصان :hahaha:

والبسه واطير افتح لها واعتذر منها وادخلها المجلس وهي تقول لو مشغوله نروح لام زوجك لانها تقرب لها واجيك شوي قلت لا لا الله يحييك



وادخله وانادي عمتي تجي

وادخل اتسبح ع بال ماصلت والبس بسرعه واي مكياج الا اختها جايه سلفتي واعلمها بلي صار ودموعي تنزل قالت عادي عادي صار خير




وبعدها اعتذرت من الحرمه

وجلسنا وتعشينا وانبسطنا بعد الاحراج الي جاني توبت استقبل احد وانا مو مستعده




مايستفاد من قصتي لاتحولين اي غرفه ببيتك مخزن وبيتك صغير ماتدرين متى يطبون عليك ضيوفك هههههههههههههههههههههههه


نظفي بيتك دايم بلااش التسويف لاني كنت انظف بس مو تنظيف عميق انظف بيتي كله الا هالغرفه تركتها حطيتها للكوي والغسيل واي شي زايد احطه ورى بابها حتى لو انك شاريه كاويه كهربائيه مثل حالتي وفرحانه فيها ولا خليت ولا بقيت لبس بالدولاب الي طلعته ورميته بالغرفه فرحانه بكويها بالكاويه الجديده:hahaha:



لا تفتحين اي باب الا لما تقولي مين ولاتقفلي بوجه ضيفتك ابد <احس حركتي قويه مالها داعي



قبل تسوين قهوتك اكشخي والبسي يمكن وقتك مايساعدك وتتاخرين وتجي ع راسك مثلي
:icon33:


عاد المضحك ع بالهم حامل حتى نظرتهم لي يحسبوني حامل وماابي اتكلم لاني للحين ماحملت فقلت بنفسي خلوني حامل ولا اكون متفشله منكم

حتى سلفتي تقولي وجهك مو طبيعي حكيني وش فيك ووين رحتي مع زوجك وارتاحي ولا تشتغلي كثير انا اقوم اشتغل اذا تبين شي قولي لي:p



واذل عندكم مواقف هبله مثل موقفي مع الضيوف اسدحوه لي يمكن يخفف علي واعرف معايه ناس مفهيه مثلي ههههههههههههههههههههههههه

299 تعليق 60,217 مشاهدة

شاركي في النقاش

سجلي الدخول لإضافة تعليق.

التعليقات

296
  1. @asmaaa123_2

    قمت الأحرااااااااااااااج ..

    بس اشوى عدى على خيــرر ولا روز بعد ..

    من جد موووقف لايحسد علييييييييييييه
  2. @am_hmam_7

    ههههههههههه
    يا حرام بس تصرفك كان عفوي حبيبتي اكيد ما زعلو منك
    عااااااااااد ياما صارت معي خخخ
  3. @yahth_oynk

    هههههههههههههههههههههه

    موقف جدا حرج

    الله يرزقك يارب من واسع فضله وكرمه ويفرح قلبك بنونو صغيرون وتقلبين مجلس غرفه له ههه
  4. @om_rema

    موقف محرج صراحه

    بس سلفتك ماله داعي جيتها الله يهديها....تجي هي واختها وماجر غصنها...

    كان ارسلت الاغراض وبس...

تابعي تجارب أخرى من هذا القسم.