شاركي في النقاش

سجلي الدخول لإضافة تعليق.

التعليقات

13

  1. @baldmoaa

    الله يعينكم مالكم الا الصبر فتره وتعدي
    اي اكل مو حابته وخصوصاً لو انه ضروري عشان ماتكرهيه مثل الحليب ومشتقاته
    جربي تحطي مع السلطه خل التفاح حسيته روعه للغثيان بصراحه
    وكمان مثل ماقالت الاخت تنوره ملونه لاتجوعي
    بالنسبه للكالسيوم صح من الشهر الرابع تبدين فيها وهذه الفتره مهم
    لانها وقت تكون العظام والاسنان للطفل.
    الله يعينكم ويهون علينا الولاده.

  2. @myar_6666

    ياعمري الله يسهل عليك
    شوفي حاولي ما تجوعين ابدا
    لانك اول ما تجوعي يجيك غثيان قوي
    ابتعدي عن الاكل الي تحسين انك تنفرين منه ومن ريحته يعني مو شرط تجلسين على سفرة اكل وفيها صنف ما تحبين ريحته
    ثالثا الموز ثم الموز ثم الموز
    حطي جنب راسك موز اول ما تصحين من النوم غسلي وجهك وكلي لك موزة
    الموز سبحان الله يخفف الغثيان
    كورن فليكس مع اللبن كليه كل ما جعتي وابعدي عن الاكل الي فيه بهارات كثير
    وانا عن نفسي تركت اللحم والدجاج والسمك والايدامات وكل شي دسم
    وحاولي ما تتحركين حركات سريعة يعني مثلا تكوني منسدحة لا توقفين على طول اجلسي شوي بعدين اوقفي
    لان الحركات السريعة تجيب الغثيان
    والعسل انا اكلته فترة بعدين لما نزل مني دم خفت منه
    ولما سالت الدكتورة قالت ايوا العسل ممكن يسبب اسلاب لانك ما تدرين شنو العشبة الي اتغذى منها النحل
    وبالاخير
    تكفين ادعي لي
    تراني بهم ما يعلم فيه الا الله معي طلق وانا توي بالاشهر الاولى
    وتكفين ادعي لاهلي بالشفاء العاجل
    ودمتي بخير وعافية

  3. @tyrysa

    صاحبة الموضوع
    الله يجزاكم خير ماقصرتو
    والله يشفي اهلك يااخت ميار شفاءً عاجلاً ويحفظ جنينك

  4. @fotshyny

    تيريسا
    الله يجزاكم خير ماقصرتو والله يشفي اهلك يااخت ميار شفاءً عاجلاً ويحفظ جنينك
    مرحبا تريسا
    بس باقولك على شيء وياليت تراجعي دكتورتك
    لازم تفصلين الكالسيوم عن الفوليك ولا زاد عليك الوحم
    كان عندي تهديد اجهاض ببنتي والوحم كا ماله يزيد لدرجة اني استفرغ دم الله يكرمك ونزل وزني كل اسبوع كيلو انجنت دكتورتي طلعت اكل كل حبوبي مره وحده فوليك وكالسيوم ومثبت ومخفف الوحم وبغيت اموت من الوحم :S_45:
    فانتبهي افصليهم
    كما كنت اخذ ابر يوم ويوم لا ساعدتني كثير

  5. @try_to_smile

    اذا كان اول ما تصحين من النوم
    لا تقومي علطول من فراشك وخطي عندك بسكوت مالح او شابورة
    وانتي بفراشك كلي كم حبة بعدين قومي
    غسلي وجهك وخذي حبة الغثيان مع نقطة مويا وكلي بعدها بسكوت مالح

    انا كنت اسوي كذا واجلس ساعة تقريبا بعدين افطر

تابعي تجارب أخرى من هذا القسم.