روحي الله يسعدك يادندوميمو ياعمري حاطة اسمي مع اسم رائعات متل " قرة " و " ام الرسام " الله يسعدك ويعطيك سؤلك , غاليتي ام الرسام وقرة انطلقوا ماشاءالله في المحاضرات الصوتية وقرة الان عم تعطي محاضرات " كيف نجعل بيوتنا جنة " في معهد تاني وعشان هيك ماعاد شفتيها لانها مشغولة جدا ونفس الشي مع ام الرسام فهن عطاء لا ينضب ماشاء الله . ام الحلوين انا كمان غلي قلبي عليها لانه من اخر اسبوع بلهمم الماضية ماعاد ظهرت وهي مشغولة كتير ببيتها الجديد " الله يجعله قدم خير عليها " وهي انا بالخدمة ياغالية بس عن جد ياميمو اني عم اغصب نفسي غصب اني اكتب اي رد بالمنتدى من يوم ما بدات الاحداث عنا بسورية . اعذريني لصراحتي بس والله مالي نفس احكي لكن حبي للمنتدى عم يخليني اتواصل واتابع بهمتكم ياغوالي . الله لا يحرمني منكم ولا من محبتكم , وانت الله يفتح عليك ياميمو ويوفقك بامتحاناتك ونشوفك معانا وانت بكامل نشاطك ياغالية .