حسبي الله ونعم الوكيل

ربي يرزقك يارب وياجرك يارب و تكون في موازين حسناتك يارب

الله يعينك ويصبرك ويرزقك الذرية الصالحة اصبري واسألي الله من فضله وليتك مارديتي عليها

عليك بالصدقة والاستغفار وأنصحك ادخلي تحفيظ واشغلي وقتك بما يرضي الله ولاتفكرين بالكلام كلام الناس مايريح الااذا طنشتي.

ما عليك من كلامها وما تاخر حملك الا لحكمه هو سبحانه وعظيم امره يعلمها
فوضي امرك الى الخالق عالم الاسرار والنوايا وكثري من يارحيم بالليل والنهار
والله يجيب اليوم والكل يشوف عيالك حواليك امين يارب العالمين

لاحول ولاقوة الا بالله ..انا لله وانا اليه راجعون..
حسبي الله على كل من جرحنا وضايقنا بمسألة مالنا فيها لاحول ولاقوة..
اختي لاتهمك طنشيها واكثري من الاستغفار والتسبيح والله ان الاستغفار ماتتخيلين كيف يزيل همك ويرزقك باذن الواحد الاحد..
حبيبتي والله اني ذقت من خالتي مالي تذوقه وحده لها 30 سنه ماحملت..انا وانا اول ماتزوجت مالي الا 6 شهور متزوجه كانت تجدع علي كلام وتقولي متى تحملين منتب صغيرة قدام الحريم..والادهى تشوفن اليوم تسألني ماحملتي اقولها لا..تجي من بكرا اشوفها تسألني هالسؤال..معقوله احمل بسااعات..!
والادهى من هذا كل ماشافتن قالت المفروض معك كومة بزران وطبخ ونفخ وشغالتك وراك..حسبي الله ونعم الوكيل تكل هالشيء بيديني..والادهى والامر ان البلا مو فيني في ولدها وكم مره اقولها تقول الدكاترة يكذبون البلى فيك..يارب عسى الله يبلاها ويشغلها بنفسها ياحي ياقيوم السماوات والارض..والله مرت علي ايام سودا سودا كنت انام ودمعتي على خدي..كنت ارقى بالسطح وابكي لين يتنفخ وجهي مابي زوجي يدري بألمي وحزني..كنت اقوله بروح لعزيمة اهلي مع اخوي ثم ارقى بالسطح وابكي لين اطلع كل الي بقلبي..ومره رحنا ناخذ عمره واخذناها معنا ..وانا بالحرم جت وحدة تشحذ وشحذت خالتي وعطتها ثم جت الي تشحذ ورفعت يدينه تدعي لها قالت لاتدعين لي ادعي لهذي ماتنجب..آهـ ياحزني بس..
والله اني كرهتها وكرهت الروحة لها وكنت كل مارحت لها قالت لي فلانة تزوجت معك وهذا معها كم بزر وعلانة تزوجت بعدك وهذاها حامل..طيب ياانسانة انا وش بيدي ؟والله العظيم ماخليت علاج الا سويته لكن كل شيء بيد ربي..
الحمد لله على كل حااال..
اختي هدي نفسك والله العظيم الناس مو حاسين فينا..ووالدنيا ذي رايحة ماينفعنا الا عملنا الصالح..اهم شيء اكثري من الاستغفار وربك كريم..