دورة تعليمية لفن التريكو

الاخت يوكو يا ريت تردى عليا بسرعه

السلام عليكم

سارة الحلوة

شكرا على المرور
ويعيطك العافية ايضا

ام منة وجزاك اللة ايضا
tasneem2006

من عينية

بالنسبة للكم ابتديتى عدد الغرز كام

او قوليلى الاولادى سن كام

والبلوفر اللى من الرقبة عايزاة لبيبى ولال7 سنين

منتظرة الرد

حبيبتى يوكو ارجوكى محتاجه خبرتك فى بلوفر او بادى لبنوته عندها 7 سنوات انا اشتريت صوف احمر كرستالى وعايزة ادخل معاه اى لون كمان يكون جميل عشان يفتحلى اجمل زهرة فى حياتى على فكرة هى بنت اخى انا معنديش اولاد لكن بحب الاطفال جدا ونفسى ربنا يكرمنى ويرزقنى او يرضينى بنصيبى ويصبرنى المهم انا عوزاه بطريقة القطعة الواحدة يعنى بدون خياطات او تشبيكات وبفكر استعمل غرزة ضلع السمكه عسان يكون مطاط وينفعها عدة سنوت او اللى هتامرى بيه هنفذه انا بس بقلك على اللى فى بالى ونفسى يكون عليه رسمه زهره بسيطه اوتويتى او سمكه ملونه او اى حاجه خاصة بالاطفال يا ريت تبادلينى اهتمامى وتردى عليا بسرعه واعذرينى انا عشمى فيكى كبير جدا

على فكرة انا طلبت نفس الطلب من ايجبت جاسيكا لانى مهتمه ومتحمسة جدا ونفسى اعمل حاجه محصلتش وحبيت استفيد منكم انتم الاتنين لان بثق فيكم وطمعانه فى خبرتكم ومساعدتكم وعندى امل انى هشوف منكم ابداع يجننكل المنتدى ويورى البنات اد ايه التريكو له فرسان انا فى الانتظاروكلى امل وحماس ليكم ومنكم

tasneem2006

غرزة ضلع السمكة رجالى افضل ماهى حريمى

اعملى غرزة ورق الشجرة ودة مشروحة داخل الدورة

البلوفر من الرقبة ابتدى 106 غرزة واشتغلى على ابرة دائرية

واشتغلى 10 اسطر عدل ثم

قسميهم كدة 33 للامام وغرزة للزيادة و18 للكم وغرزة للزيادة و33 للظهر وغرزة للزيادة و18 للكم الثانى وغرزة للزيادة

السطر الاول اشتغلى ال33 غرزة ثم لفة ثم غرزة ثم لفةثم ال18 ثم لفة ثم الغرزة ثم لفة ثم33
الاخرى ثم لفة ثم الغرزة ثم لفة ثم ال18 ثم لفةثم غرزة ثم لفة

السطر الثانى كلة مقلوب

كررى السطريين حتى طول حردة الابط المطلوبة مع المحافظة على الزيادات للغرز

السطر الثالث لتعرفى معنى الزيادة
حتشتغلى ال35 غرزة ثم لفة ثم الغرزة ثم لفة ثم ال20 غرزة ثم لفة ثم الغرزة ثم لفةثم ال35

غرزة ثم لفة ثم الغرزة ثم لفة ثم ال20 غرزة ثم لفة ثم غرزة ثم لفة

واستغلى كل الاسطر الزوجية مقلوب

لما توصلى لطول حردة الابط المناسبة اوقفى الزيادة والقطى غرز كل كم على دبوس

واشتغلى غرز الظهر والامام بدون زيادة حتى طول البلوفر المناسب ثم اشتغلى 10 اسطر عدل

واقفلى الشغل

ثم القطى غرز الكم واشتغليها حتى طول الكم المناسب ثم اشتغلى 10 اسطر عدل واقفلى الكم

ثم اشتغلى الكم الثانى مثل الكم الاول

تحت امرك فى اى سؤال