طريقة اهتمام ام العيال الكبار بزوجها

السلام عليكم خواتي

الله يسعدكم ودي افضفض لكم واطلع اللي بخاطري مهمومه ولا باليد حيله

اعرفكم بنفسي انا ام ل6 اطفال بينهم 3مراهقين الله يصلحهم يارب بنتين وولد كبار وبنتين وولد صغار
ربة بيت-35سنه لاني متزوجه ب17وعلى طول حملت اللهم لك الحمد ياربي

المشكله
ياخواتي انا ماعندي شغاله والحمد لله مسيطره على اشغالي في البيت ولا فيه مشاكل من هالناحيه
مشكلتي الكبيره اني موقادره اوصل لمرحلة الرضا تجاه زوجي هو يحبني دايم على الموضه ويبيني البس جنوز وبناطيل طول اليوم ولا برمودات وانا بصراحه مااقدر شلون البس قدام عيالي المراهقين والله صعبه
وحتى التنوره والبلوزه وربي اتضايق منها اغلب ملابسي للبيت قمصان
مشكلته يبيني بالمكياج الثقيل اذا حطيت شي خفيف احس مايغير فيني شي ولا الفت نظره رغم الحمد لله جميله ياربي لك الحمد
يبي يشوف شعري دايم مستشور مع ان شعري موخشن بس جاف ومايطلع حلو الا بالاستشوار وانا بالاصل وربي ماالقى وقت لهالشي مع اني صابغته وقاصته بس معضم الوقت ملموم
والله ودي ارضيه بس ماادري شلون مع انه مايقصر معاي ماديا ويقول انزلي واشتري ملابس وشغلات على الموضه ابيك دايم مهتمه بشكلك
بس ارجع واقول اني ماوصلت لمرحلة الرضا في عينه ولااعرف بصراحه للحركات الرومانسيه رغم احس انه يحب اني افاجئه واسويله شغلات زي كذا بس ماادري وش اسوي ومتى كيف اتعلم هالشغلات
بالله يابنات افيدوني وش اسوي ونوروني واللي مثل حالتي كيف اهتمامها بزوجها ماادري يمكن فيه شي ضايع مني وماقدرت اجيبه خبراتكم خواتي الله لايحرمكم الاجر

56 تعليق 9,891 مشاهدة

شاركي في النقاش

سجلي الدخول لإضافة تعليق.

التعليقات

53
  1. @am_sarh_2005

    يحبيبتي خلاص انت عندك عيال مراهقين وبنات حاولي تجلسي معه جلسه وتقنعيه بهذا الشي وقولي علشان بعد اظبط بناتي كيف البس قدامهم وامنعهن من لبس القصير والبناطيل الضيقه قوليله خل لبسي لك في حدود غرفة النوم احتراما لنفسي ومكانتي عند عيالي
    انا والله صارلي فتره ماعاد البس كذا علشان بنتي عمرها 12 سنه الله يحفظها وولدي عمره 10 سنين صرت استحي من نضراتهم لي
    يمكن لو حاولتي معه واقنعتيه بهذا الكلام يقتنع والله يعينا ويعينك يارب
  2. @sobsn

    بسم الله الرحمان الرحيم اختي العزيزة لاتنسي ان زوجك هو الاسبق في كل الامور مايطلبه منك شيئا بسيط من حقوقه لذا واجب عليك ارضاؤوه لان مشاكل الاولاد وشغل البيت لاينتهي لذا شجعي نفسك على التغير ارضاءا له وبما انه لايبخل عليك فهو يستحق منك بعض المبادرة .لذا يا اختي علمي ابناءك مساعدتك واستغلي بعض الوقت القصير للاستحمام واستشوار شعرك وبعض الماكياج ثقيليه زيادة لاتثقلي كثيرا والبسي مايحبه ولكن بشرط ان يكون مستورا لان لك ابناء مراهقين وعيب علينا ان نلبس امامهم ما هو مكشوف وفي غرفتك غيري ملابس اخرى تكون قصيرة وثقلي مكياجك وعطري نفسك .الدنيا قصيرة ولايدوم اي شيء لذا استغلي هذا الوقت القصير بارضاء زوجك وتحقيق رغبته وبالتوفيق ان شاء وننتظر ردك .
  3. @am_alhnof_4

    الله يعينك والله حاله صعبه مع العيال الكبار اكيد
    طيب بعد ماينامون العيال اذا هو راعي سهر زبطي لكم سهره مرتبه واكشخي باللبس والمكياج ودلليه عسى خاطره يطيب يارب
  4. @roby11111

    عن تجربه مافي احلى من البجايم ساتره وموديلاتها حلوه وشكلي في الالوان والبلايز الطويله والمكياج نوعي يوم خفيف ويوم ثقيل والاستشوار اول ماتتروشي استشوري شعرك ويقعدمايخرب لترويشه الثانيه انا ولدي عمره 14 الله يحفظه وهدا نظامي

تابعي تجارب أخرى من هذا القسم.