كيفكم بنات وهدي ورده
:26:
ماحب المقدمات :)
صار موقف يوم الجمعه كانه في حلم يمكن ماتصدقون ويعلم الله اني صادقه
كالعاده صحيت بدري تقريبا اساعه 5ونص صليت الفجر ونظفت البيت وسويت الفطور وصحيت زوجي علشان نفطر جلسنا فطرنا وهو جلس يقراء القران الله يثبته وانا رحت اسوي شاهي والقهوه قلت مره وحده اغسل الصحون قلت افتحي الشبابيك يتهواء البيت فتحتها ورجعت اكمل الصحون الا ونسمع صوت انا طرت عند عيالي حسبت المكيف انفجر عليهم الا واشوف زوجي يجري ويطالع من الشبابيك وانا اصيح ايش فيه قال سياره سياره طالعي معايه انا مافهمت شي بس قلت اطالع وافتح شباك غرفه المعيشه الا وسياره مقلوبه وفيها حرمه و3 بنات اطفال اعمارهم على 5 و6 تقريبا وولد عمره تقريبا 11 سنه او 12 سنه يوم انقلبت السياره اتكسرت زجاج السياره الي قداموطلع الولد منها وطاح في الارض يوم طاح لسى السياره تتقلب جاء كفر السياره على حوض الولد انا يو شفته تبنجت في مكاني شوي وانادي زوجي قلي انزلي معايه اسياره فيها حريم واشيل عبايتي وننزل جري والله اني حتى الشبشب اكرمكم الله انا وزوجي مالبسناهايوم نزلنا وشفت الولد صرخت صرخه الي في العماره عندي نزلو كلهم افتح الباب مو راضي يفتح وزوجي يحاول يشيل السياره علشان يشيل الولد مافي امل يوم جوا الجيران بعد ماشلت البنات وامهم وجلسو على الرصيف قامت الام تشوف ولدها شفته وغمي عليها الرجال شالو السياره وشالو الولدوعلى طول للمستشفي البنات ادم من راسهم واجسامهم مجرحه وزوجي يصيح بصوته كله السواق وينه قالت الام السواق ولدي الي تحت السياره انصدمنا معقوله هدا ماحبيت انكد عليها كفايه الي صار لهاكان تصيح وتقول منو قلي اطلع من البيت منو قلي اطلع من البيت انحرمت من ولدي شالوهم وودوهم المستشفي الولد العظام الحوض طالعه من جسمه وجالسه الام تصيح وبناتها معاها تقول كل ماجانا خير يجينا الشر معه جات اسياره امس وقتلت ولدي اليوم قلت لا خلي ايمانك بالله قوي ربي لحب عبد ابتلاه جلست تبكي
يوم طلعنا انا وزوجي الشقه مو مصدقين الي صار كانه فلم بسرعه انقلبت ادنياء كنت مبسوطه وفرحانه فجاه حزن واسى ودموع زوجي يقول هدا يمكن يموت اويجلس طول عمره مشلول
ادعوله بنات والله هو محتاج لكل ادعواتكم
انا اسال نفسي وين ابوه وامه كيف تخلي طفل يسوق معناته اطريق مو ضيق بس ضرب في الرصيف وانا ساكنه في مكان كله مخططات للاراضي وبيت عن بيت مساافه ويوم جمعه ولا احد برى يمشي اساعه 7 الصباح اناس نايمه لو انقلبو بعيد عن العماره كان ماتو بس الله لطف عليهم
بنات ادعولهم وللولد الله يستر:(
واسفه على الاطاله
شاركي في النقاش
سجلي الدخول لإضافة تعليق.
التعليقات
183- لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير .. - هلا
- سبحآن الله والله آكبر
- لا حول ولا قوة الا بالله الله يقومه بالسلامه وطمن قلب امه عليه
- لا حول ولا قوة الا بالله الله يقومه بالسلامه
مواضيع مشابهة
تابعي تجارب أخرى من هذا القسم.