هل معايا سكر حمل ادخلو شوفو وطمنوني

السلام عليكم باختصااار حبيباتي انا حللت عن السكر في بداية حملي الحمدلله مافي سكر وحللت على التاسع وكانت نسبة السكر بعد الاكل 115 وتقول زايد والمفروض يكون 100 مايزيد خوفتني بس بيني وبينكم احتميت في البدايه وبعدين طنشت ولاعاد حللت هل تتوقعون النسبه عاليه بتضرني لان كثييير قالولي الدكتوره ماعندها سالفه سكرك طبيعي خاصه انه هذي النسبه بعد اللاكل وكنت وقتها فاطره ساندويش وعصير كوكتيل والعصير حااالي تتوقعون النسبه طبيعيه

7 تعليق 1,640 مشاهدة

شاركي في النقاش

سجلي الدخول لإضافة تعليق.

التعليقات

7
  1. @am_almnaaay

    اهلا اختي بالعكس سكرج وايد عادي فالنسبة المقبولة بالنسبة لسكر الحامل ان يكون بعد الاكل بساعة واحدة ١٤٠ وبعد الاكل بساعتين ١٢٠ اعتقد امورك طيبة ولا تحاتين وتراني مريضة سكر واقولك هالنسب عن خبرة ومعرفة فاطمئني وان شاء الله تبشرينا بولادتج الله يسهل عليج وعلينا
  2. @mgsty

    انا أمس كنت عند الدكتوره طبعا" هي مودكتورتي بس انا دخلت عندها لأن البيكج لازم أدخل عند أستشاريه المهم شافت تحليلي مسويتها صارلي اكثر من شهر ودكتورتي قالتلي انتبهي لايرتفع السكر عندك ....

    وهذي الدكتوره تقولي لا انا اعتبرها نسبه مرتفعه ,,,,,وقالتلي سوي تحاليل السكر خارج البيكج ......تبغى تقصبنا موكافي المستشفى قاصبنا بسعره

    ولا درت لها بال لأن البيبي وزنه طبيعي ولا في مويه زايده
  3. @ghnog_homy

    طبيعي جداااااااااااااا

    الحين اغلب الدكاتره والمستشفيات صار همهم الربح عشان زياده التحاليل
  4. @shtha_tybh

    طبيعي اختي
    انا كان دائما طبيعي وفي التاسع قالوا لي زايد حتى اللي سوت لي تصوير سألتني إذا عندي ضغط او سكر قلت لها اليوم بلغوني ان عندي سكر.. قالت عشان كذا المويه زايده عندك
    بس ماعرفت احدد كم تقول 7,8
    وتنومت وكل يوم يقيسون السكر قبل الاكل وبعد الاكل بساعتين
    كان يوصل 114 ويقولوا طبيعي
    ومره وصل 159 وقالت زايد المفروض بعد الاكل ما يتعدى 120 بالقوه كمان والمفروض 100
    وبعدها قال الاستشاري ان ماعندي سكر ولله الحمد
    امس سويت تحليل بعد الاكل وكان 120 الحمدلله طبيعي

تابعي تجارب أخرى من هذا القسم.