فـــــــــــن التقـــــــــديم لبنــــــــات الريــــــــاض * الملف السادس *

السلام عليكم

مراحب خواتي
يعطيكم الف عافيه على جهودكم
انا عندي نفاس وابغى اي افكار جديده بالتقديمات لو احد راح لنفاس قريب وشاف افكار يعطيني
ضيوفي راقين وابغى شئ يواجه
من والى
اول حاجه ابي اقدم مع القهوه
شوكلت صينتين وابي محلات جديده وغريبه وحلوه
وصينيه حلى
ومع الشاي ابي ميني محاشي وفطاير

وابي محل يبيع سكر اشكال غريبه

واخر شئ العصير ايش احدث شئ اقدم معه غير الكب كيك والكوكيز

ابي شركات تستلم الزواج من الكوشه الى العلكه

مراحب صبايا ....
عندنا نفاس قريب وحبيت تفيدوني باشكال الصواني الدارجه الحين ووين احصلها
ثانيا شفت عند so فواكه مجففه مغطيه بالشوكلت مررره طعمها روعه بس غويليه شوي ابي نفس الكواليتي بس ارخص من سو مين عنده خبره بهالامور يساعدني لانو ما عندي خبره بالمحلات ومافيه وقت اخذ لفه النفاس قريب الله يسهل
برضوا بسأل عن البوكسات اللي يعبونها مكسرات شفت في كذا محل واشكالهم حلوه انا ابغى نفس البكسات فاضيه وانا اعبيها اوفر لانو اسعارها مبالغ فيها بزياده سمعت انو ممكن احصلها بالسويلم بس وين بالضبط ابي اسم محل او جهه معينه ممكن اسال عندهم
وجايتكم بالطلبات الله يعينكم علي والف شكر لكل من حاولت تساعدني يالبى قلوبكم

بالنسبة للشوكلاته الي زي البرنقلز تلاقيها في السوبر ماركت بس مدري فيه ملون ولا لا لكن فيه انواع شي بالكراميل وشي شوكلاته وتجي في كرتون طويل مدري ايش اسمه بس واضح من برا انها شوكلاته زي البرنقلز مرسومة




ممكن اعرف ايش هو الملبس