وضعي طبيعي والا لا .... تكفووووون طمنوني

السلام وعليكم ... كيف حالكم ...
حبيت اسالكم انا لي 5 شهور متزوجه ولااحس اني احب زوجي ابد... قسم بالله نفسيتي دمار .. مااتقبله ولااشتاق له ... هل هالوضوع طبيعي والا انا اللي موطبيعيه ؟؟
يعني هل مع الوقت بحبه واتعلق فيه وبصير اشتاق له والا المفروض ان هالشيء يكون من زمان ؟
انا افكر اطلب الطلاق بس اخاف ان هالامر طبيعي
تكفون قولوا لي متى حبيتوا رجالكم ؟ طمنوني ابي احس باللي تحسه كل متزوجه
لاتنسوني من دعووووووووووواتكم في ظهر الغيب
شاكره لكم

30 تعليق 3,186 مشاهدة

شاركي في النقاش

سجلي الدخول لإضافة تعليق.

التعليقات

27
  1. طبيعي جدآ
    أنا والله بداية زواجي كنت أفكر كيف أتطلق لأني ما أطيقه
    بس الحين والله إني أموووووت فيه
    بس انتي شوفي إيجابياته وفكري هل تقدرين تبتعدين عنه؟
    الله يصلح حالك وتحبينه بأسرع وقت
  2. @ampamp_lms_anak_ampamp

    أختي العزيزة

    كيف تقولين انك منتي متقبلته أجل على أي أساس تزوجتيه يعني هل كنت راضيه فيه يوم خطبك وتزوجك ولا ماكنت راضيه فيه
    الشي الثاني وش السبب اللي خالك تنفرين منه وماتطيقه شفتي منه شي ولاسوالك شي ؟؟

    احنا مانقدر نحكم على وضعك الا لما توضحين اكثر

    وفي الأخير الحب موشرط يجي قبل الزواج ولا حتى يوم الزواج ولابعد الزواج حتى ولو بسنه ماله فتره معينه سبحان الله فيه ناس رجاجيلهم حبوا حريمهم بعد الزواج بفترة أهم شي الالفه والتفاهم والاساسيات الصحيحه اللي تقوم االزواج وتدوم تواجدهم مع بعضهم هنا قد ياتي الحب

    بس في حالتك اختي مااقدر افيدك والله يسهل عليك ويحببك بزوجك يااارب ترى مالك الا خمس شهور وهذي مدة ترى مو كافيه حتى تقررين انك بتحبيه ولا لا الا اذا كانت هناك ظرووووف لانعلم بها اتمنى ذكرها حتى نفيدك

    تحياتي لك

  3. صاحبة الموضوع
    ايه انا راضيه يوم يخطبني رغم اني مااعرفه بس كان زواج تقليدي بس الى الان مااحبه ولايمكن اقول له اي مشكله امر فها او افضفض له .. هو حبيب بس بسيط ماعنده اسلوب ولاعنده ثقه بنفسه هو معه شهاده المتوسط ولاعنده خبره ابد في الحياه احس اني مااثق فيه واحس بخوف معه وعجزت احبه ....... تكفون ادعوا لي ربي يفرج همي
  4. تطلبين الطلاق؟ و تحسبين الطلاق شي سهل 
    لا يكون تفكيرك سطحي لأنك ماقدرتي تحبينه تتطلقين!
    الحب مع الوقت صدقيني
    و لو ماحبيتيه بداية الزواج طبيعي جدآ أعرف كثيييير كانوا كذا و
    الآن مايشوفون مثل أزواجهم،
    بس أنتي حاولي تتقبلينه أولآ كزوج على شان تقدرين تحبينه!
    أنتي مو متقبلته و لأسباب جدآ بسيطه
    مو واثق - أنتي إزرعي هالثقه فنفسه من إسلوبك معاه، و معاملتك له 
    راح تزيد ثقته لأنك مدحتيه
    راح تزيد ثقته إذا شكرتيه
    راح تزيد ثقته إذا فضفضتي له
    راح تزيد ثقته إذا عطيتيه حقه كاامل من كل النواحي راح يحس إنك متقبلته 
    الأمر بيدك بس أنتي مو متقبله
    و لأنه بسيط - و ياحلو البساااطه عمر البساطه ماكانت مشكله!
    بسيط معناها أي شي منك يسعده لو بسيط مو مكلف لو تبتسمين له بس راح ينبسط،
    أمّا الشهاده مو ضروريّة مقارنه بأخلاقه 
    إحترميه و قدريه لا تخلين الشيطان يدخل بينكم و ينقص من رجولته
    إنتي حسّي بالأمان بوجوده مهما كان هو رجال،

    إدعي إن الله يسخركم لبعض و لا تحلين المشكله بمشكله !

تابعي تجارب أخرى من هذا القسم.