شاركي في النقاش

سجلي الدخول لإضافة تعليق.

التعليقات

1,998

  1. @am_allos

    ويلكم باك

    ام سارونه
    شكل النوم فعلا كابس الله يسهل امورك المواصفات اعلاه اقصد فيها الخطوط الماليزيه وقلت اللي جرب قبلها الاماراتيه بيقول وعع ع الماليزيه >>>اتمنى وضحت الصورةوالكيلوات اقصد الماليزيه والا الاماراتيه ما عليها كلام افضل خطوط بنظري جربتها


    بنات فحص عنق الرحم اللي هو( pap smear ) مسحه المهبل اوعنق الرحم انا مسويتها من 3 سنوات وزي ما قالت ام سارونه الدكتورة بالسعوديه قالت لي لو طلبوا منك اعطيهم العينه لان المسلمات ما يحتاجونه الا بحاله المرض لفحص شي معين بس اما هم لتعدد العلاقات فكل سنه يسونه وفحص الثدي تقدرين تسوينه بنفسك بالبيت بعد كل بيريود الله يكرمكم او عند طبيبه النساء ولو شكوا بشي لا سمح الله بيسون لك mammography اتوقع اللي هي اشعه الثدي وبياخذون خزعه الله يجمينا واياكم يارب بس يقل هالشي للي ترضع طبيعي واللي تحت الاربعين
    الله يطول باعمارنا على طاعته ولا يورينا مكروه لا احنا ولا من يعز علينا يارب

    بنااااااااااااااات اعذروني راح وقتي اخلص اشغالي بكره ان شاء الله انزل التقرير على خيرررر نعسااااااااااانه وفيه صور ما جهزتها لسى

    تثبحون على الف خيررررر

  2. @am_allos

    بترفلاي
    طمنينا عنك يالغلا ؟؟؟

    ام سارونه
    طيب ابغى ارقام للقائمين على هذي الدورات بالسعوديه وراء النهر حطت مقاطع يسمونه برنامج الخوارزمي الصغير مرررررررررره متحمسه له منذو مبطي بستفسر الادوات اللي هي العداد وكذا وين تنباع سواء هنا او بالسعوديه وبدور يمكن بالمدينه فيه مدربين لها ان شاء الله مررره ودي فيها

  3. هلا بنات .. اخباركم؟؟



    انا ابد لاجديد لارحت لاسباحه ولاغيره .. غبت.. اهئ اهئ اقصد نمت..:06:

    ام اللوس
    حلو نشر الغسيل .. ونستيني ووسعتي صدري .. وه على دمك اللي زي العسل بس.. ماشاءالله..
    وبالنسبه لاختبار عنق الرحم سويته السنه اللي راحت .. والحمدلله تمام.. وقالت لي الدكتوره انه يحدد نسبة مدى احتمالية اصابتك بكانسر الرحم والمبايض لاقدر الله..

    بترفلاي
    مبرووك عليك المحرره وعقبال مايصير اسمك يبرق برق..

    موشاااا
    افتقدناك اليوم .. وينك؟؟

    ام ساراا .. عسيريه
    مو ملاحظين النوم والكسل؟؟ شي عجيييييييب وجو غرييييب..

    سيااا ياحلوين

  4. @am_saraa

    أم اللوس
    بترفلاي طمنينا عنك يالغلا ؟؟؟ ام سارونه طيب ابغى ارقام للقائمين على هذي الدورات بالسعوديه وراء النهر حطت مقاطع يسمونه برنامج الخوارزمي الصغير مرررررررررره متحمسه له منذو مبطي بستفسر الادوات اللي هي العداد وكذا وين تنباع سواء هنا او بالسع…
    صباح الخير
    والله يعدي ازمة الصباح على خير انا وهالولد والبارح ماكل الا الكمثرى من اللانش بوكس حقه ولا ادري اكلمهم ياكلونه غصب ولا اللي يجوع بياكل ؟؟
    مقهوره منه مالمس شي في اكله على فطوره من 7 تخيلوا..
    والله ضحكت على سالفة الخطوط ياشين اللي يقرى وهو نايم خخخخ
    عسيريه بناتك مافيه احلى من عقاب تقومينهم الفجر وتهدين الطاقه اللي فيهم ماتجي 7 الا كل شي في روسهم متبخر..
    توفا انتي على طول كذا ملخبط نومك ؟ولا هالفتره هروبا من السباحه ؟
    هههههههههه..


    والله ماعندي ارقام اذكر ان اعلانه بالكافي هاذا طبعا هو نسائي وتقام فيه الدوره باكتمال الطلبه والمكان الثاني مكان لاقامة الدورات التدريبيه صغار كبار رجال نساء
    لو بتصبرين علي خليت البنات يعطوني الارقام من هناك ..والادوات متاكده من وجودها بماير وفيه باخر ركن الالعاب العاب ذكاء ماجافي بالي الا ولدك الكبير بتناسب عمره
    وفيه بالاوفيس ورك اذكر شفت بكتالوجهم اشياء بس مو متاكده والاكيد بتارقت..
    وبانتظار تقريرك ياعثل على وزن <<<تثبحون
    خخخخ

  5. @butterfly_26

    ام ساراا
    صباح الخير والله يعدي ازمة الصباح على خير انا وهالولد والبارح ماكل الا الكمثرى من اللانش بوكس حقه ولا ادري اكلمهم ياكلونه غصب ولا اللي يجوع بياكل ؟؟ مقهوره منه مالمس شي في اكله على فطوره من 7 تخيلوا.. والله ضحكت على سالفة الخطوط ياشين الل…
    الله يبارك فيك وعقبال ماتاخذين الماسيه بنفسك>>>قولي ماودك تعطينها شيء خخخ


    الله يبارك فيك بس ليش الكسل شدي حيلك علشان يعطونك صندوق رسايل :22:




    الله يبارك فيك حبيبتنا

    الحمد لله احسن الحين من امس اعبي علبة المويا واشرب
    بالنسبه للبرنامج اذكر طبقوه بمدرستنا على مجموعه من الطالبات واسمه العداد طبعا يبغى له فترة تدريب في البدايه كنت شايفه انه غباء لانهم يستخدمون العداد بس بعدين اكتشفت انه ثلاث مراحل العداد واليد والذهنيه تخيلي كنا نجيب البنات عندنا بغرفه المدرسات ونسالهم ثواني بس يحركون ايديهم ويعطونا الحل صحيح وكنا نعطيهم مالا يقل عن 5 اعداد والعمليات ورى بعض جمع وطرح ثم يعطونا الناتج النهائي لها كلها
    بصراحه كلمة روعه قليله عليه

    بنتي امس ماأكلت إلا التوست حتى الحليب وهو عيشتها الوحيدة ماشربت بس كلي امل انهم يخلونهم ياكلون جماعي
    والله يبارك فيك>>>على سالفة التحرير
    والحمد لله انا بخير>>>على سالفة التعب:22:


    الحمد لله انا وبنتي تمام
    كيفك انتي الحين
    بالنسبه لاختبار سرطان الثدي فيه حملة بالسعودية (بالقصيم) ياخذون اسماء الحريم من المستوصفات الصغيرة وتحول على مستشفى المنطقه الكبير ويسوون لهم فحص مجاني حتى عمتي ام زوجي صلحته
    لكن بغير هالمنطقه ماسمعت عنه حتى عند اهلي (الرياض) مافيه وهو عبارة عن اشعه بس



    الله يبارك فيك ياعسل

تابعي تجارب أخرى من هذا القسم.