يا كروشات اللي في الشهر السادس والسابع تفضل... معزومه على فنجان قهوه..

مشكورات حبايبي بس كنت بشوف غلاتي عندكم
دلوعة زوجها
اخر دوره شهريه كانت 26-7-1426
موعد الولاده المقرر 11-5-1427هـ
الجنس مستحي مارضى يبين

ماشاء الله عليكم
تغيبت كم يوم ولااحد جاب لي خبر
وشلونكم كلكم ان شاء الله تمام ..
الثقل زياده والحموضه شغاله ليل ونهار..
والمشي زي البطريق ياحلاوتنا
امس رحت للهرم اللي بحي السلام بالرياض طبعاً..
ولقيت فيه اشياء حلوه مره للبيبي..
بتشكيلات مختلفه..
ملابس داخليه وشرابات ياحليلهم يهبلون صغاااااااااار والوان روعه
بيجامات كامله وقمصان وبطانيات وشراشف صوف..
وسراير الخفيفه اللي ينشال فيها البيبي من مكان لمكان..
والله لو اظل اعد كان افتح كم صفحه..
بالعربي كل التجهيزات عندهم من الى..بأسعار رخيصه ومعقوله..
اخذت منهم اللي ابي وبخاطري اشياء بآخذها بعدين بإذن الله..
بقى المفرش حقي اللي للإستقبال مادري من وين اجيبه..
والارواب حقتي برضه مشكله اذكر هي اصعب شي مالقيت اللي بخاطري
كله الوان شينه..
وبالنسبه للهوم اختي ميمو ابشري بعلمك من خبرتي برد مفصل لحاله
واعذريني ترى والله ماسفهتك بس توي اليوم راجعه من السفر..
بكرا بإذن الله بنسق افكاري وانزل لك كل شي برد واحد بإذن الله
ومايكون خاطرك الا طيب..
وبتستغربون يابنات ان عندنا اشياء مالها داعي وماخذينها مجرد عادات وتقاليد
تجيب لك الهم بالنفاس زود على تعبك ونفسيتك ..
اشوفكم على خير كلكم الله يسهل لي ولكم

السلام عليكم ورحمة الله

كيف حالك بنات ؟ ان شاء الله طيبين

والله حلو تجمع الحوامل هذا :39:

ياليت تقبلوني معاكم :27:

انا دخلت الشهر السابع البارحة

يعني اليوم ثاني يوم في السابع :13:

الشئ اللي لاحظتة هو ان الطفل يتحرك

وايد خلال الاسبوع الاخير من السادس

وصراحة شعور وايد حلوووووووووووو

لكن ازداد العذاب مااقدر ارقد في الليل

ابدا :30: الم فظيع في ريلي وشد عضلي

يذبح الله يعين :D

وبعد ازدياد الوزن صاير بطي مو مثل قبل

صراحة انا وايد فرحانة لان وزني ازداد مع الحمل

13 كيلو :10_8_9:

والله يستر من الباقي والحين قاعده افكر كيف انزل وزني بعد

الولادة .....والله كريم


وجمعة مباركة :10_1_103v

هلا عزيزتي العمريه والله لك وحشه
انا افكر اروح الهرم بعد لاكن لسه ماقررت ايش اخذ لان امي تقول لاتاخذين غير الاشياء الاساسيه
اما عن مفرش الاستقبال فانا قريت ان في هايبر بنده الدور الثاني فيه تخفيضات 50%على طقم سرير الام والطفل بصراحه انا كان بودي اروح اليوم لاكن الله ماكتب والعرض ينتهي يوم الاربعاء من نهاية الاسبوع مادري يمديني اروح او لا لا شوفتيه عطيني رايك وترى سالت عن الاسعار بعد التخفيض قالت ان اقل شي 750 وفيه لبستين للام وللطفل غير الهندول واشياء ثانيه

وحياك الله اخت amal بيننا والله يتمملك على خير
تصدقين حاسه بنفس الاعراض اللي قلتيها وكله كوم والشد العضلي كوم ثاني يذبح وخصوصا لاجاء في الليل
الله يعين وشكلنا قريبين من بعض انا بكره بادخل السابع على خير
وين باقي البنات وحشوني (( من جد ماستهبل ))

كيفكم بنات :D قصدي ياحريم ممكن انضم للجمعه الحلوه هذي ولا لا؟ انا في السابع لي 13 يوم قالولي ولادتي يوم 29 /4ادعولي ان اللله يتمملي على خير واجيبه بالسلامه :icon28: الصراحه تعب في السابع مقدر اتنفس والم في ظهري لا يستحمل ومدري وش بيصير في الثامن والتاسع اللله يست :( ر.معليش كثرت عليكم بااااي :27: