اسمعوا لي يابنات .. الحمل والا الدراسة والا الابتعاث والا الوظيفة وربي مرة تشتييييت

المعرف مو لي لصديقتي

في البداية الله يسهل علي من فتحت موضوعي وييسر امرها ويفرج كربها ويجعل لها من كل هم مخرج ومن كل ضيق فرجا ويرزقها من حيث لاتحتسب قولي امين \\ اميييييييييييين يارب العالمين\\

المهم انا قصتي متزوجة من خمس سنوات حملت بعد زواجي ماطولت ورزقت ببنت والان عمرها اربع سنوات وثلاث شهور ربي يصلحها
بعد ولادتي استخدمت مارفيلون لمدة سنة ووقفتها واستخدمت عزل طبيعي طوووول هالفترة من زواجي الى قبل ثلاث شهور صرت احاول احمل بس ماصار حمل المهم انا قدمت ماستر وجاني قبول والسنة الجاية بداية دراستي لسنة تحضيرية مطلوب مني فيها اجيب جيد جدا ضروري حتى ادخل للماستر
اوكية الماستر هذا لي سنييييييييييييين انتظرة وربي اكتب وانا مو مصدقة انة جاني قبول المهم انا الشهر هذا قبل لااعرف انة جاني قبول رحت لدكتورة قلت لها انا لي ثلاث شهور ماصار حمل قامت بسرعه بسرعه الله يهديها تعطيني ابر منشطة للبويضة لان حجمها كان 9 اعطتني ابرتين وقالت بعد بكرة ابعطيك ابرة تفجيرية لان صار اليوم حجمها حلو للحمل تقريبا 19
قلت لها دكتورة انتي مرة استعجلتي انا مابغى عقاقير وادوية ابستخدم شي طبيعي ينشط المبايض اصبري علي مو كذا على طول ابر ومدري ويش المهم وافقت قالت براحتك خليها على ربك وانا راح اتابع معاك التبويض
خلصت من هاذي السالفة بنات انا الان ترددت بفكرة الحمل وبنفس الوقت ودي احمل لان زوجي ب2012 راح يجية ابتعاث وبنروح بحول الله وقوتة طيب فهمتوا هالحين وضعي؟
وربي احترت لو حملت حملي اقسم بالله اقسم بالله اقسم بالله يابنات متعب لدرجة الانتحار ادري بتضحكون علي بس بحملي ببنتي لدرجة جاء ببالي اروح للمطبخ واقتل نفسي بالسكين وربي يابنات ان هذا الشي جاء ببالي ولكن ربي رحمني وصبرني انتوا ادرى بالوحام وتعبة
هالحين اللي ابقولة <<< الى الان ماقالت شي ههه
انا الان احمل واعاني من الوحام والتعب واضيع الماستر اللي جاني على شان خاطر بنتي اللي تعيش وحدة فضيعه بسبب جلستها لحالها
والا احمل على شان بالغربة تلقى من يونسها
والا اترك الماستر اللي كان حلم حياتي من يوم دخلت الكلية ليومكم هذا وهو حلمي واملي اني احصل علية ولو عدت السنة التحضيرية على خير وجبت معدل راح احصل بعدها على ابتعاث وادرس الماستر برى مااخذها من هنا
وكمان في شي قدمت على وظيفة وبعد ثلاث شهور ينزل اسمي فيها لان نسبة توظيفي فيها 97 بالمية واتوظف فيها على المرتبة الرابعة وهذي انا مترددة فيها يعني مابيها لااسباب خاصة بس غصب عني


الامور تشربكت وتلخبطت ومدري والله بكرة ويش يصير

ايش اسوي يابنات وربي احترت

الله الله الله لايسامح اللي بترد وتتريق وتجرحني ابي
بس الناس الفاهمة العاقلة الناس اللي ماتجرح ترد وتتفهم وضعي

20 تعليق 4,049 مشاهدة

شاركي في النقاش

سجلي الدخول لإضافة تعليق.

التعليقات

20
  1. @mlak_bshmookhy

    زووجك صح بيجييه ابتعاااث بعد سنه يعني نفس وقت ابتعااثك اذا الله وفقك في التحضيري
    فانا اقووول فررررررررررصه قبوولك لا تفووتينها واحس احسن من الووظييييفه
    والحمل لاحقه خيييييييييييير ان شاء الله
    وشااوري انتي وزوووجك لانكم ادرى بضرووووووووووفكم
    والله يووووفقك يااارب
  2. @gory_kl_hyaty

    اول شي الحمل مو مثل بعض

    انا حملي في بنتي شفت المووت من الوحم والتعب

    واكلت مانع 3 سنوات ولا حملت الا لما صار عمر بنتي 8 سنوات

    تاخرت بالحمل 5 سنوات ,, والحمدالله ربي اكرمني وعوض صبري خير

    ويارب لك الحمد والشكر هذا الحمل ماحسيت فيه مجرد وحم خفيف ماطول

    (( كل طفل يختلف حمله عن الثاني ))

    وبعدين الدكتورة قالت لك ان البويضه عندك 9 يعني هذا فيك ضعف << انا كنت كذا قبل

    انا اقول توكلي على ربك واحملي مافي شي بالدنيا يعوضك عن الضنا ,, خصوصا ان بنتك كبيره
  3. @am_ahmd_2003

    اول شي هدي شوي نصيحه لا تستعجلين

    اولا صلي الاستخاره كثيررررررررررر

    وصدقيني الله عزوجل راح يختارلك الصالح

    وعن نفسي

    احاول احمل اولادي عندي الاهم
    واختار الوظيف الادرايه اللي جاتك
    بعدها بسنه تكونين ريحتي شوي
    تقدرين تاخذين اجازه
    وتكملين الماستر
    اساسا سفرك راح يتعارض مع زوجك
    فالنصيحه لا تشتتين بيتك ونفسك
    اختاري الايسر
    الوظيفه ولالستقرار ثم الباقي

    ع فكره
    الوظايف ها اليومين قليله
    اذا جاتك الفرصه هذي ممكن ما تكرر


    الله يوفقك

تابعي تجارب أخرى من هذا القسم.