المهم :اللي تستخدم دبس الرمان في ورق العنب تدخل

هذي الطريقه اخذتها من المنتدى واعتمدتها عندي وكثير سالوني عنها واعتمدوها بعد عندهم .. لذيذه بشكل ما تتصورينه.. الله يجزا صاحبته خير..


المقادير ~
علبه ورق عنب. << أحلى نوعين "اورلاندو" و "قودي"
2 و نص كآس رز مصري مغسول و منقوع.

للحشوة ~
2 طماطم مقطعه قطع صغير.
1 حبه بصله متوسطه مقطعه صغار.
نص حزمه نعناع مفروم.
ربع حزمه بقدونس مفروم.
بهارت منوعه (( بهارات مشكله واحلى شي بالنسبه لي ماركه الامير مرا تعطي طعم حلو للاكل + فلفل اسود + دارسين + كمون + ملح + م ك ملح ليمون + م ك دبس رمان << وسر حلاوة الطعم بهالشيين ))
زيت زيتون + حبه ليمونه معصورة .
مآء السقو ~
كاسين مآي دآفي + حبه مآجي + نص ملعقه صلصه + نص ملعقه دبس رمآن + نص ملعقه ملح ليمون + 2 فص ثوم


الطريقه ~
1- تخلطين مقادير الحشوة كلها مع بعض ، بالنسبه للبهارات من كل نوع ملعقه او ملعقتين انا انسانه ماالتزم بالمقدار احط بالنظر .
2- ضروري ترتاح الحشوة نص ساعه عشان تاخذ الطعم.
3- اغسلي اوراق الورق العنب وحطيه في مشخال او صحن عشان المويه تروح منه.
4- ابدي احشي الورق العنب و لفيه ، انا الفه بطريقيتين :
الطريقه الاولى / اطبق الطرف اللي باليمين و اللي باليسار مع بعض و الف من فوق, مثل اللي موجوده بالصور
الطريقه الثاني /اللي هي الطريقه المعتاده تلفين اول شي الطرف اللي فوق من جهه اليمين ومن ثم جهه اليسار ومن ثم من اليمين وبعده اليسار ومن الامام.
5- في قدر الضغط صبي شويه زيت زيتون ومن ثم افرشي القاع بورقتين ورق عنب ومن ثم حبات البطاطس و بعدين رصي حبات الورق العنب.
6-بعد ما تنتهين من رص ورق العنب صبي عليه ماء السقو مع فصي الثوم ، ممكن بيزيد الماي و ممكن بينقص اهم شي المويه تطلع 1 سم عن صف الورق العنب ، وحطي فوقه صحن قزاز .
7- بعد مايغلي اكتمي القدر وحطي عليه الصفاره واحسبي له نص ساعه بالضبط.

رفع