هذا الله يسلمكم اتفقنا انا وخواتي على عمل بوفيه بمناسبة رجوعنا الى بيت امي وجمعتنا فيه والسبب ان كانت امي تسوي ترميمات بالبيت فحرمنا من جمعتنا عندها في بيتها لمدة تقريبا شهرين
المهم قسمنا الشغل وكل على اللي يعرفه وطلع علي انا
الجاينيز الصينيه مطلوبه من بنت اختي الغاليه نوف
جريش لامي الله يحفظها
باستا
طبعا طلب من اخوي وهو الستيك بالفطر
حمص متبل
تفضلوا حياكم
طبعا السلطات كانت على اختي ام عبد الرحمن الله يحفظها وهي عبارة عن
تبولة
سلطة الباذنجان مع الفاصوليا
فتوش
سلطة الناتشوز جابتها بنت عمي معاها اللله يحفظها
وهذه صورة اخرى ومبين الحمص و المتبل
ورق عنب نوعين اللي مع المقبلات نوع البارد من صديقةاختي جزاها الله الف خير شي كان
هذا ورق عنب من اختي الكبيرة وكذلك كوسا محشية روعه منها الله يجزاها الجنه ويحفظها
طبعا هذه الباستا اللي ورى والثانيه من بنت اختي معكرونه بالشبنت لذيذة وغريبه الله يجزاها خير
وهذا الجريش و الجاينيز اطباقي
وهذا هو الستيك الدجاج بالجبن بطريقتي بس بنت اختي مسويته بصراحه كان شي ربي ان شاء الله يرزقها الزوج الصالح ونفرح فيها يا رب
والطبق اللي في الخلف هو ستيك اللحم بالفطر طبقي
هذا رز ابيض فوقه مقالي مسويته طباخة امي ومعه مرق باميا باللحم
وطبعا بجانبه سخان الكباب و العرايس طبعا هذا الوحيد اللي من مطعم جابته اختي ام تركي الله يجزاها خير
وهذا مرق الباميا باللحم
طبعا هذه سيدة البوفيه كبسه ولا في الخيال من زوجة اخوي الكبير عسى ربي يرزفها بالذريه الصالحه واشوفها مع عيالها يا رب ادعو لها الله يخليكم من جد تستاهل
هذا كان نصيب الاطفال والدجاج باعواد الاسنان مسويته نفس الشي بنت اختي بصراحه تعبت ويانا بس ربي لا يضيع تعبها من الاجر يا رب
لا احد يرد باكمل
