كيف ضيافة زميلاتي في العمل
متابعة النقاش، صفحة 6
شاركي في النقاش
سجلي الدخول لإضافة تعليق.
التعليقات
73- الله يعينك
- شكرا للاخوات اللي ردوا علي
والعزيمةلسه ماصارت هي بعد اسبوعين ان شاء الله
وانا حبيت اسأل من بدري
حتى اخذ احتياطاتي - حبيبتي بما انهم بيجونك مع العصر
اول استقبليهم وقدمي القهوه والشاي مع الحلا والفطاير وخلي العصريه كلها كذا
طبعاالوقت بيمر لانكم سوالف وقهوه وشاي
وبعد المغرب استراحه بسيطه لمدة نص ساعه لان مافي احد مهما كان راح يضل ياكل طوال الوقت مهما كان مشفوح
وقدمي في هالوقت عصير وكيك
وجددي سفرة القهوه والشاي وضبطي اللي بقى من الحلا والفطاير وسخني اللي يبى تسخين وحطيه مره ثانيه بعد مايخلصوا العصير بنص ساعه علشان يكونوا اشتاقوا للاكل
ولااااااااااااااااااااااااااااازم تعشيهم
اعتقد مهما كان لا زم تعشيهم
ممكن ذبيحه ممكن نص ذبيحه
المهم عشيهم
جيبي من مطعم
او اطبخي انتي بس اهم شي تجهزي نفسك من بدري اذا بتطبخي في بيتك
علشان تقدرين تقعدين مع ضيوفك
واذا ممكن اذا احد من اهلك قريب خليهم يجوا يساعدونك ويوقفوا معك
وبعد العشا بيكونوا فل
ما اعتقد احد بيقدر يحط في فمه لقمه
بس علشان حسن الضيافه
قدمي حاجه بعد
بس خليها بعد ساعه او اكثر
يمديهم اشتاقوا للاكل
ما ادري ايش انصحك فيه
ايسكريم
كابتشينو
شاي ومكسرات
هنا انت اختاري
والله يوفقك وردي لنا خبر عن عزيمتك يارب ما اكون تاخرت
وابغى انصحك نصيحه راح تخليك تستانسين اكثر
ترا ضيوفك كثير ما شاءلله
وقتهم طويل وانت تبين تطلعين بصوره حلوه
فحاولي انك ما تقطعين نفسك من بداية العزومه علشان تقدرين تكملين باقي السهره
واشتغلي بهدؤ وثقه
واهم من التقديم انهم يحسوا باريحيه في بيتك ونظافته وانك مرتاحه مو مرهقه منهم
نامي الليله اللي قبلها زين
وقومي بعد ما تشبعين نوم وجهزي لبسك بدري
وسوي الغدا بدري وخلصي كل امورك او اغلبها بدري قبل الساعه 2 الظهر علشان ترتاحين
وما اوصيك الارتباك والعجله راح تخلي بطاريتك تفصل في نص الوقت وتتعبين ويبين عليك ويضايق ضيوفك
فامشي بالهون وتذكري ان الرفق ما كان في شيء الا زانه
بشويش على نفسك
ولا تقصري مع ضيوفك بالتوفيق
انا عاملتك زي نفسي لاني مطفوقه شوي خخخخخخخخ - حتى لو قالو مانبي عشا ..
المفروض تعشينهم .. من العصر بيجون وسهره .. يعني العشا فيك فيك ...
خلي العصير والقهوة والحلو من العصر للمغرب
بعد المغرب شاي ومعجنات
وبعدين العشا .. بوفيه أو ذبيحة .. ما شاء الله عددهم كبير .. وهذي أول زيارة .. - يا بنات إيش ذبيحة وذبيحة ليه نظام الشيبان هذا والله أحسكم عجايز وشيبان
باقي فيه في الدنيا ذبايح وبين الشباب
ترى الدنيا تطورت والعالم مو جيعانه عشان تقولون ذبايح كننا أسود
لو بتحط عشاء فيه مشويات بوفيه ولو بسيط وصغير مكرونة مع سلطة مع فواكه وكم شغله معاهم
أما ذبايح <<<<<<خخخخخخخ أحسكم قديمين أتخيل بس صب القهوه ياولد
لو أروح لصديقتي وتحط لي ذبيحة ما أكلت لقمة تحط لي ذبيحة ليه أسد وجيعان أو نمر لي أسبوع ما اكلت
تحط لي بيتزا شاورما همبرجر سندوتشات وكثر الله خيرها
وأتركوا عنكم نظام الشيبان إلي جربوا الجوع أيام زمان
.
مواضيع مشابهة
تابعي تجارب أخرى من هذا القسم.