كل وحدة تكتب موقف نخفف على أنفسنا أنا أولكم

انا مرا صار لي موقف مش مرا بس انا تحسست منه

كنا في استقبال في بيت خال زوجي وجلسنا على العشا كنا على طاوله وحده من اهل زوجي و ام زوجي وخالت زوجي مع زوجه ولدها
ومعانا كم حريم خواله ثنين انا ما ادري وش جلسني معاهم كلهم كبار ماعدا زوجه ولد خالة زوجي

كنا نتكلم عن الخدامات واقولهم شغالتي طفشتني وسفرتها من مده وما ادري متى تجي الثانيه
قامت نطت زوجه ولد خالة زوجي وقالت واني شكو بالشغاله لا عيال ولا حس بالبيت
على الاقل الشغل يغنيك عن الوحده
وبدت تتكلم تقوول يوو ما جربتي العيال وحوستهم ويحسون البيت هذا وانتي ماعندك عيال تتكلمين عن الشغاله لا جاك عيال وش بتسوين
على فكره هي عندها شغاله من اول ما حملت جابتها
قهرتني مراا وقدام كل الحريم كنا سته او سبعه تقريبا

حاولت ما ابين اني متحسسه او متغصبه ضحكت وقلت ربي يبارك لك بالعيال ماشاءلله ( طبعا قلت ماشاءلله عشان لو طاح ولدها او
جته حراره ماتقول من عيني )

وقلت لها شغل البيت واحد بدال لا تغسلين ملابس شخصين بتزيدين عليها كم قطعه للطفل
والطبخ واحد بدال القدر الكبير اصغر شوي
و الحمامات هي هي وكل شي هي هي
وبعدين ربي يخلي لي زوجي دامه قادر ويبي يرحيني ويبيني على طول عروس
وضحكت قلت انتي شقاهرك بتدفعين الراتب مثلا

بس ولله انقهرت وتحسست مرا مافيه سالفه الى نطوا لك بالعيال فيها الي ماعندها عيال
ماتعيش ماتجيب شغاله ماتطلع مكان
يعني العيال هم اساس كل شي لا حول ولا قوة الى بالله

الله يرزقني وإياكم
أنا بالنسبه لي متزوجه لي سنه و8 شهور تقريبا ما قد احد سألني من اهلي او اهل زوجي ليش تأخرت الى الان مرات ودي اقول لامي بس زوجي رافض لمحت لها مره بالغلط لأني كنت في لحظه منهاره لما دريت انه عندي خمول في الغده دقيت على أمي وقالت يا بنتي هذا شي سهل قلت في شي ثاني قالت ايش هو قلت لا ما اقدر اقول أنا اساسا ما يتم الج... بشكل كامل الى الان
شي ثاني اختي الكبيره تسال أمي تقول ليش ما تروح اختي تسوي تحليل للهرمونات تشوف يمكن في شي قالت أمي براحتها وانا اساسا رحت بس ما حبيت اقول لاختي بس أمي علمتها
يعني موقف صعب مره لا ماقد صار لي

تستاهل الحب حبيبي .....الله يعوض عليك ...احيانا مواقف لاتنسى خاصة اذا تعبتي على شي ....الله يرزقك ويحقق أمانيك


حنان الحلوة شاكرة لك المرور والله يرفع قدرك


جوان ....الله يهديهم مايخلون الواحد على راحتة وش محرق رزة والي ماعنده عيال يضيق عليه ولاتاخذ راحته ...مستكثرين علينا ان لبسنا وكشخنا او شغاله او وظيفة......مشكورة على اضافتك الله يرزقنا


sunsetamam.......ذكرتين قبل أربع سنوات كنت ماخذة كلوميد ومنشطات 13 ابرة من غير التفجير ورحت لأهلي قالت أختي ....وراك سامنه ...وتعلق وو....تخيلي انفجرت...:icon33:.... وقلت أنا أتعالج واخذ ابر وبدت امي تهديني .....


الغالي عليك ماودك تقولين له والعدو مافيه أمل الى الله المشتكى ....الله يعوض عليك يااااعمري


.....ياااارب تعوضنا وترزقنا والله بديت اذا جيت اروح لأهلي ....أشيل هم ..وأهل زوجي أشد ....

..
يارب في عصر هذا اليوم أن تلطف بنا يالطيف ...وترحم حالنا يارحيم ...رب هب لي من لدنك ذرية انك أنت الوهااااب وصلى الله على نبينا محمد وسلم تسليما كثيرا