ملف (قلة التركيز وفرط الحركة)الى كل ام تعاني من هذةالاعراض عند طفلها للاطفال الطبعيين

متابعة النقاش، صفحة 131

شاركي في النقاش

سجلي الدخول لإضافة تعليق.

التعليقات

1,929
  1. @skrbnat

    صاحبة الموضوع
    بنات موزه مضيعه اللف من تتكرم وترسل لها الرابط مشكوره

    والي بترسله الاولى لها هديه
  2. @zhor_gnobyh

    سكر بنات شكر لك على النصيحه الي يهدد بالسكين مو ولدي الكبير لا الصغير الي مريض ودائما الي يبدا بالضرب والصياح هو الصغير ترى اسم الله عليه مو هين على قولتك سوسه ودائما افهمه ان اخوه لازم تتحمله وتتدافع عنه وتكلمه بشويش بس الله يهديهم والفرق بنهم اربع سنوات
    والحمدلله هم يحبون بعض بس المهاوشه والصياح والضرب لابد منها ..وعلى فكره ترى ولدي الصغير بعض الاحيان يكون هادي ومؤدب وبعض الاحيان تجيله حركه كثيره وعناد ويضرب ويحب ينكد حتى على الي اصغر منه ويعجبه انهم يبكون ..
  3. @asbroa

    لمن اخترت المعرف كنت احاول جذب الطاقه الايجابيه حولي لجل اتقوى واصبر نفسي .....انا زيكم تجيني حالات انهار فيها وودي افضفض وابكي بصوت بس مو قدام احد .....هنا ببكي وافضفض هنا بطلع اللي بقلبي لكن ما اشتكي الا لله الواحد الاحد انا اللحين نفاس الضغط قوي مره هو بيبي يبغى اهتمام ولا زوج وطفل محتاجني بكل لحظه .... امس بكيت قدام حبيبي وقلت بس خلاص ياولدي لا تصارخ ياولدي ببدل ملابسي وبروح معك للسوق بنشتري فستان لحفل اختك بكيت وكلمته كني اكلم شخص فاهم وناضرن وسكت وهدأ ...... ما ودي ابكي لكن انهرت قدامه مدري وش صار مدري من النفاس ولا بسبب صراخه وتصفيقه بالباب يبغى يركب السياره وابوه بعده ما خلص الصلاه.
    الحمل ثقيل علينا يا امهات ونحس فجأه بالوهن والضعف لكن ما تتصورن وش كثر مشتاقه اخلص الاربعين لجل اقوم الثلث الالخير وادعي ربي واشكي له ......
    دعواتكن النفسيه تعباااااانه وسامحوني لأول مره تشوفوني بهالحاله

    جزاك الله خير يا سكر بنات وماقصرتي
  4. @maria_laura

    بنات انا عندي بنت اختي هاديه جدا وتتكلم بس طلبت منا المدرسه اختبار الذكاء عندها لأنها عدم في القراءه والكتابه وما عندها تركيز في بس الحمد الله تحفظ كانت نتيجه الاختبار متوسطه الذكا هل تعتبر من ذوي الاحتياجات الاخاصه وهل تحتاج مدرسه تربيه فكريه لاني احس اني بظلمهاا لانها مافيها شي بس ما تركز واللي تعرف شي عن مدارس الدمج ياليت تفيدني لاني ماابغى اظلم بنتي وابوها قرر يدخلها مدارس اهليه عدد طالباتها قليل عشان تتحسن في القراءه والكتابه لان المدرسه تقول عدد الطالبات كثثثير في الفصل فما اقدر اركز عليها عشان تستوعب ودوها مدرسه ثانيه وامها مررررره مهمومه ياليت اللي عنها اي فكره تفيدناااا الله يجزاكم الجنه
  5. @kshry99

    السلام عليكم ورحمة الله وبركاته
    كيفكم بنات؟ الله يسعدكم ماقصرتوا نصح وتفاعل، اللله يجعلها في ميزان حسناتكم ويقر اعيننا جميعا بشفاء ابنائنا وكل غالي وكل مسلم يااااارب.
    الحمدلله انهرت البارح انا وابوه انهيار شديد... انا اتفائل بالانهيار لانه يعقبه هدوء وعمل... يعني ان شاء الله اننا نكون طحنا الحبه اللي في راسنا وان شاءالله نقدر الان نخرج من الصدمه ونشتغل على الولد.
    اللهم لاسهل الا ماجعلته سهلا وانت تجعل الحزن اذا شئت سهلا
    بدئت مستعينه بلاحول ولاقوة الا بالله بتمرين التواصل البصري اللي قاللي عليه الدكتور وهو اني اطالع للولد وانا اكلمه واحاول جهدي انه يطالعني، طبعا متعب وبلا نتيجه بس اعرف انها مسألة وقت وتعدي ان شاءالله.( ياليت اللي عندها افكار للتواصل البصري تزودني)
    بالنسبه للنطق بدئت اعلمه كلمة موزه واخترتها لانه كان ياكلها خاصه بعد ماسمعت انها مفيده لهم... صرت اقوله:
    مووووزه!... الامير ياكل موزه... موزه لذيذه.... موزه صفراء... الللللله مووووووزه! .... انت تحب الموز؟.... م م م م موووزه! مين ياكل موزه؟!!..... وهكذا مع محاولة اني اطالعه، طبعا كان يتحرك ولا يشوفني بس توني في البدايه وان شاء الله بيتحسن باذن الكريم وبلاحول ولا قوة الا بالله... ( بس طريقتي صح؟ رجاء اذا اي شي اسويه غلط نبهوني حبيباتي وعلموني الصح واذا فيه افكار تفيدني تكفون لا تبخلوا علي)
    وبدئت اعلمه يرمي الاوساخ اكرمكم الله في الزباله... يعني يتخلص من قشرة الموزه اللي اكلها... طبعا انا احطها في يده وامسك يده لانه يفكها اول مااحط فيها شي بس امسك يده واجيبه لين الزباله اكرمكم الله وانا بنفسي اشيل يده وتخلص من القشره واذا صارت هالعمليه احتفلنا بالتصفيق والذكر والابتسامة العريييييضه وقلنا كل انواع المدح والتشجيع انت بطل وامير وممتازه واحسنت ومممتازه وكلش.

    هذا اللي سويته البارح واليوم لحد هذه اللحظه ناويه اواصل على نفس الافكار ونفس الكلمه ومعاها ماما انا بدئت فيها من اول .
    رجاءاً بنات اللي تقدر تفيدني بأي شي لاتتردد الله يسعدها ويفتح عليها
    وبالنسبه للدكتور اللي شخص ولدي تبع الشركه اسمه ( محمد الجشي.. شيعي:() بس انا خلاص اقتنعت بكلامكم وهو بصراحه قال زيكم قال انسوا التشخيص واشتغلوا ع الولد ونصحني ادخله مركز... انتوا اش رايكم؟ هو قال بيساعدكم المركز ويتقدم الولد بسرعه لو عند القابليه للتعلم... طبعا المركز يعني اننا نغير مكان اقامتنا للمدينه، بس كله يهون عشان الغالي... وهل المراكز اصلا تفتح في الصيف؟

    اخيرا اسأل الله العظيم رب العرش العظيم ان يثبتنا ويصبرنا ويشفي احبابنا
    زهره جنوبيه واصبروا : اعانكم الله ويسر اموركم

تابعي تجارب أخرى من هذا القسم.