ياناس ابي بيت لحالي عطوني حل مليت ؟؟؟/ قديم

الله يعينك ويرزقك بالبيت اللي تتمنين
حرام ولدك ينام في الصاله خليه المجلس غرفه لعيالك هم اولى واهم
واذا جاك ضيوف خليهم تحت عندهم

الله يفرج همك يارب

شوفي وحده قريبتي باسميها منى مدرسه اهل زوجها طبعهم مترابطين مره والاخوان كلهم اشتركوا ببناء عماره وحده اثنين متزوجين واثنين لا
وتخيلي الام ساكنه باالدور الي تحت مع العزوبيه وبنفس الدوور تحت في شقه ثانيه ساكن فيها المتزووج الاول
والدور الثاني فيه ثلاث شقق وصغيره كلها ممرات خنقه وحده منهم لـ(منى) والباقيات للعزوبيه اذا تزووجوا في المستقبل تقوول شقتها اللي ساكنه فيها قبل اوسع منها
طبعا قريبتي منى اخذت زوجها بسياسه حبه حبه اول مره رفض مره بعد كذا اخذته باالكلام عن المستقبل انه احنا الحين عندنا بنت وتكفينا الشقه بسس بعد كذا يزيدووا العيال ..يعني الشقه ماتصلح بيت العمر والواحد لازم يفكر باالامووور ومن هاالكلام وكثرة الدق يفك اللحام و جمعت بمبلغ من راتبها واخذت قرض واشترت فله ماشاءالله الله يهنيه وعقبالك
اهم شي >> لاتبيني انك متضايقه من اهله ترا بيعند زياده
خلي هدفك من النقل عشان المستقبل وانكم تاخذوا راحتكم وووقولي له انكم بتاخذوون بيت بنفس الحي حاولي تسألي عن البيووت الي حولك يمكن في شي منها للبيع ... الله يسرك اموورك يارب

الله يعينك مافي وحدة مرتاحه مع أهل زوجها لأن الطباع والفهم يختلف من ناس لناس والله كلنا كذا بس صابرين لعل الله يفرجها إن مع العسر يسرى ولا يغلب عسرا يسرين والله كريم وكل هذا أمتحان بس الصبر مفتاح الفرج يعني كلها كم سنه وهو يتضايق وأكيد بيطلع من كيفة وأدعي ربك أنه يسخرة لك والله يرزقك من واسع فضله يااارب