بنات ونتي نفاس تلفين شعرك بشيلة انا ودي البس طاقية وش رايكم

أحس الشيله ماله داعي النفسيه زفت مو عاد البس شيله الله يعين بس أهم شي يبتعد الواحد عن تيارات الهواء وخلاص واذا بيدخل الهواء بيدخل من الخشم وشلون نسده بعد
اما اللي يقولو انه اذا شلت الشال احس بصداع لأنك تعودتي ماتتعرضي للهوا عشان كذا تحسي بصداع
بنت خالتي مايطيح الشال من راسها في الشتا وهي مو والد وتقول
لو انزله بس شوي عن راسي احس بثقل وصداع عشانها تعودت على انها ماتعرض رأسها للهوا وهذا الشي احسه غلط

أنا بنفاستي الاوله ما لبست شيله..!
والحمدالله ماشفت الي العافيه..
اهم شي بنطلون طويل قطني .. وبعدي عن المكيف..
وولاتتعرضين لهواء وماقدامك الي العافيه..
مو من عاداتنا لبس الشيله .. احسه عاده اخذت عليها بعض الناس وصارت ضروريه..!
طبعنا النفاس ترتاح على السرير ١٠ الي ١٥ يوم بعدها تشيله خلاص الي يجيها بعد هذي الفترة تجلس تستقبلهم على الكنب..
وعادي بعد هذي الفترة كحل خفيف.. روج وردي فاتح .. تتحمم تلف شعرها بالطريقه الي تناسبها تلبس روب رضاعه او جلابيه.. الحمدالله عادتنا سهله مافيها تكلف.. أنا بعد ماتميت سبوع تحممت بس جاني شي اخ ياربي ..>< الحمدالله

احنا لازم شيله عشان الهوا مايدخل

أنا نفاس لا لبست بنطلون ولا شيلة

وشعري غسلته وتحممت من اول إسبوع لأني عملية ولو طبيعي كان من أول يومين

بصراحه بعض النصائح ما أدري كيف

إحرصوا على النظافة كيف 15 يوم ما تغسلين شعرك وغير كذا تلبسين شيله مع الحر والعرق كيف تكون الروائح

ديننا يحث على النظافة وغير كذا تحسين بإنتعاش بعد الإستحمام وينشط الجسم

لا أختي لازم الشيلة عشان الأذان والرقبة
خذي شيلة قطنية ملونة وطلعي جزء من شعرك من قدام يطلع شكلك حلو بإذن الله