الزواج من الطبيبة و مشكلة الاختلاط << أخوكم محتاج رأيكم :(استوفى حقه من الردود

متابعة النقاش، صفحة 18

شاركي في النقاش

سجلي الدخول لإضافة تعليق.

التعليقات

154
  1. @aagzt_alk_asm_2

    بعتبر انك أخ لي والبنت بعتبرها أخت ىلي بنفس موقفك
    وكلامي لو أنا بقولك عادي وش فيها طبيبه
    لكن هذي حياتك مهب حياتي
    علشان كذا اتخذ قرارك من منظورك الشخصي وقناعاتك
    وإلا ستنقلب حياتك وحياتها الى جحيم
    فاذا أنت مو متقبل الفكره فراح تعذبها
    وأما تركها لدراستها والله لو هي أختي ماأطيعها أهم شي شهادتها والرجل بداله رجل
    يايجي وهو متقبل عملي يا مع السلامه
  2. @klly_hnyh

    استــخير الله اكثر من مرة....وبعدين شوف وش ربك يكتب لك...الشك مصيبه ترى,,لكن الاستخارة اتوقع هي الحل الافضل,,,
    استخير الله وتوكل عليه.موفق ياارب
  3. يعتمد على طبيعة شخصيتك اعتماد كلي

    إذا أنت من النوووع اللي ماتحب الحرمة تطلع من البيت كثير وتشتغل بأماكن مثل هذي وممكن تسبب لك شك وتفكير فاقطع السالفة تماما ولاتفكر لأنها يوم من الأيام بتكون دماار

    وخذ لك وحدة ترتاح نفسياً وأنت متواجد بعملك أنها في بيتها أو عمل نسائي وهي راضيه بك كطبيب


    والله يكتب اللي فيه خير لكن حكّم عقلك مو مشاعرك هذي حياة وعشرة عمر وأطفال ومسؤلية
  4. @orrd_altayf

    صاحبة الموضوع
    و الله ما أدري اش أقول لكن من جد انتم وعيتوني

    الحين على قول الاخت

    أنا إذا جيت أودي أمي أو اختي المستشفى دايما أبغا طبيبة هي اللي تعالجها
    و إذا ما فيه إلا طبيب أقبل لكن ماني راضي

    صح هو اختلاط بس مو ذنبها
    هي ما دخلت الطب عشان الاختلاط

    الاخت اللي تقول حاسب معليش يعني بس معاد فيه حتى الحاسب معاد فيه وظائف معاد في بأي تخصص وضائف مضمونة إلا الطب و الصيدلة و يمكن العلوم الطبية التطبيقية

    يعني هي أكبر أخوانها و أصغر منها كثير
    و أمها مي سعودية بس ابوها الله يرحمه سعودي
    يعني فيه معاناة
    يعني لازم تضمن وظيفة لأن أكبر اخو لها أصغر منها بأربع سنوات
    و الزواج محد يقدر يضمنه لأنه قسمة و نصيب !!

    صار البنت طالما هي متفوقة لازم تضمن لأهلها مصدر دخل أقل شيء
    بعدين الميزة انها عاشت كل أيامها قبل كذا في الديرة يعني بعيد عن المدينة و صخبها


    و أرجع أقول مو ذنبها انه اختلاط هذا ذنب المسؤولين و زي ما قلتوا فيه تخصصات ما فيها اختلاط بالرجال و برضه فيه في أغلب المستشفيات قسم نسائي و الطبيبات اللي فيه يطلبون انه ما يجيهم إلا حريم و هذا متاح بل انه النظام المدون في وزارة الصحة ان الطبيب يعالج رجال و الطبيبة تعالج مرأة
    و فيه شي ثاني انها مثل ما قلتوا ممكن تشتغل في مستوصف الحي و هذا ما كان في بالي
    و ما ندري اش اللي يخبيه لنا المستقبل الحين فيه مطالبات ب***** مستشفيات نسائية 100% و أخرى رجالية 100%

    هذا ما يعني اني أرضى بالاختلاط بس أنا ممكن أتغاضا عنه فترة التدريب و أنا بكون موجود معها فترة التدريب ما بروح بعيد و الزواج بعد التخرج يعني بكون عرفتها و وثقت فيها أكثر ان شاء الله و يصير بعد كذا نختار مكان ما فيه اختلاط و أتوقع منها هي تبادر بالشيء هذا مو أنا أطلبها ...

    و الله اللي تضحي بمستقبلها عشاني تستاهل أضرب بشكوكي عرض الحائط

    أشكركم الشكر الجزيل... و الله رجال ما نصحوني و انتم نصحتوني بالصح
    و أنا كنت حاس ان حل مشكلتي عندكم بعد الله

    صح بعض الردود تحمل نفس فكرتي اللي كنت أحملها .. و حطمتني
    لكن بمجرد ما أقرأ الردود الإيجابية أنبسط لأني ما أبغا أدمر أمنيتي

    أعيد كلام بعض الاخوات.. عمل الطبيبة عمره ما كان مقياس لبراءتها و شرفها
    بل بالعكس الإنسانة المتعلمة -سبع سنوات مو شوي- فهمت الدنيا و شافت أمراض و موت و دم أحمر .. أتوقع الخيانة بتكون نسبتها عند الطبيبات أقل بكثير من أي تخصص ثاني .. رغم وجودها في هذي البيئة, بس اللي بتخون هي اللي جذورها ميتة و من الأساس خربانة.


    الله يجزاكم خير يا أخواتي وحدة وحدة و يحقق أمانيكم و ييسر أموركم و يسعدكم دنيا و آخرة

    سبحان الله ,, ما بين غمضة عين و انتباهتها .. يبدل الله من حال إلى حال...

    و ان شاء الله إذا في الإجازة سويت شيء تاريخي بالنسبة لي أطمنكم,, و أعزمكم بعد *********يمنع استخدام الوجوه التعبيرية بين الجنسين

    دعوااااااتكم *********يمنع استخدام الوجوه التعبيرية بين الجنسين
  5. @shay_bhbk

    اخي الصغير ...فيه مثل يقول ( رحم الله امرئ عرف قدر نفسه )

    وانت ادرى بنفسك اذا كنت من النوع الشكاك والغيور لا تخطبها

    باقولك على سالفتي انا انسانة غيورة على الشخص اللي ارتبط

    فيه ولما كنت بالصف الثالث ثنوي جاتني صديقتي وقالتلي ان عمها

    يبي يتقدم لي ويخطبني وانا كنت اعلم انه يدرس طب وكان في السنة الاولى

    وطبعا رفضته لاني اعرف نفسي غيورة واعرف ان مجال الطب اختلاط

    فاذا كنت بتتغير وتشيل الشك والغيرة من راسك فتوكل على الله واخطبها

    والا انتظر لما تخلصوا دراسة وتقدم لها بتكون كذا درست اخلاقها اكثر

    بس طالبتك طلب لاتعشمها وفي الاخير تتركها ترى البنت تنجرح اكثر من الولد

    والله يكتب لك اللي فيه الخير

تابعي تجارب أخرى من هذا القسم.