تجمع المصابات بالفرنية المخروطية ....../ قديم

أنا من الكويت ، أراجع عند مركز البحر للعيون..دورت على عيادات خارجية وكل دكتور
يمدحونه ناس ويذمونه ناس ثانية، فـ توكلت على الله واستمريت على البحر للعيون.

إي راجعي دلع كرستال عشان تلاحقين عمرج طالما المرض في بداياته

مشكوره يعني تتوقعين اني مصابه به؟شكله فيني وش الادويه اللي عطاك الدكتور اسمحيلي وان شاء الله بحجز عند استشاري واشوف وضعي وابلغك.

عطاني قطرات للعين وحده للجفاف والثانيه للحساسية وطلب أفصل عدسات صلبة

بعدين الحين رمد الربيعي منتشر .. وفيروسات وايد في الجو تسبب جفاف وحساسية
مو شرط تكون قرنية مخروطيه...

أهم شي لا تفركين عيونج .. ولما يحكونج رشي عليهم ماي بارد .. وقطري بقطرات الجفاف والحساسية

شوفي دلع ..

الدكتور يفحص عيونج ..إذا لا سمح الله قرنية مخروطية يشوف هي في أي حالة .. يعني
الحالة الأولى .. بداية التحدب واهني يستخدم نظارات واحتمال يكتب عملية كروس لينكج لتثبيت القرنية
الحالة المتوسطة .. زيادة التحدب .. كذا علاج .. إما تفصلين عدسات صلبة وتسوين عملية الكروس لينكج
أو تركيب حلقات وعملية الكروس لينكج ... العملية للتثبيت مو لتصحيح النظر ..

الحالة المتقدمة .. ما ينفع معاها لا عمليات ولا عدسات أو حلقات ...علاجها الوحيد زراعة القرنية..
طبعا اعراضها سوء القرنية وظهور بقع مدري سحابات على البياض ...


تدرين شلي دهور حالتي وخلاني بسرعه أنتقل من الحالة الأولى للمتوسطة ؟
وهـ الكلام للكل .. هو "فرك العين" تحكينها ..

يا كثر ما أفرك عيوني ... بجيت فركتهم ... أشيل الكحل بمناديل جونسون أفركهم ..
وبقوة بعد ... وفرك العين مووزييييييييييييييين .. فـ إنتِ من الحين لا تفركين عيونج

وراجعي استشاري فورا ... على الأقل شوفي دكتور الحوادث يوصف لج علاج مؤقت
عن الجفاف والحساسية على ما يجي موعدج ...


للتوضيح :


الجفاف: تشعر كأنه شي ينقز عينك ، شي داخلها وهو ما كو شي !
الحساسية: حكة في العين ، تبي تحك وتفرك عينك .
عملية كروس لينكج cross linking : تسليط ضور على القرنية الغرض منه تثبيت القرنية أي منع تحدبها
وليس تصحيح النظر.

العدسات الصلبة : لتصحيح النظر + ضغط القرنية لمنع تحدبها .

الحلقات : لتصحيح النظر ..والاستغناء عن العدسات الصلبة .. البعض لا يرتاح لهم.

زراعة القرنية : أخذ قرنية من متوفي جديد وزراعتها واحتمال عدم التطابق وااارد.

ايش أعراض القرنيه المخروطيه الله يجزاكم خير

أختي أم الشيخ .. ردي للصفحة 37 بتلقين مشاركتي فيها الأعراض
كـ رد على أختي دلع كريستال ..