شاركي في النقاش

سجلي الدخول لإضافة تعليق.

التعليقات

47
  1. @ryan_25

    اختي انتي من اي مدينة ؟
    المشكلة العالم حجزت التذاكر من زمان .. يعني قبل اربع خمس شهور وكان السعر رخيص
    الان اغلب المقاعد فل ( على الخطوط السعودية ) وكمان السعر مرتفع

    جربت ادور حجز لك عبر الخطوط السعودية من الرياض لكوالالمبور .. لعدد 2 كبار
    2 اطفال + 1 طفل رضيع
    طلعت الحسبة 28000 ريال

    المبلغ كبير جداً بصراحة لأنكم بتحجزون متأخر

    ممكن تغيرين وجهة السفر لمكان ثاني .. تركيا مثلا أو دبي .. فكري بغير ماليزيا .. لأنها للأسف رخيصة بس تذاكرها ناااار
    واكيد الأخت ام يارا .. كانت حاجزة من فترة طويلة قبل السفر ..

    يعني انتي وزوجك واطفالك .. لوحجزتوا من شهر صفر الماضي مثلا بيكون السعر مقارب ل 8000
    والحين جدا جدا مرتفع

    اذا غيرتي رأيك .. انا مستعدة ادور لك على طيران رخيص ..
  2. @am_yara_12

    فعلا بحثت بالخطوط السعودية لقيتها21495 غالية بس انصحك شوفي بالمكاتب يمكن تحصلين ارخص

    شوفي جميع الخطوط يمكن تحصلون الارخص وبشرينا عنك
  3. @am_alamamyr_2

    صاحبة الموضوع
    ريّانة
    اختي انتي من اي مدينة ؟ المشكلة العالم حجزت التذاكر من زمان .. يعني قبل اربع خمس شهور وكان السعر رخيص الان اغلب المقاعد فل ( على الخطوط السعودية ) وكمان السعر مرتفع جربت ادور حجز لك عبر الخطوط السعودية من الرياض لكوالالمبور .. لعدد 2 كبا…
    بعد عمري أختي ريانة تعبتك معي ياعسل..

    أنا من العاصمة الرياض
    وفعلا أنا قبل يومين جربت احجز على الخطوط وفعلا طلع لي ذا المبلغ بس حسبت نفسي غلطانة..قلت أكيد ماعرفت اعبي البيانات صح:44:
    طيب ياقلبي ممكن تشوفين لي تركيا وصلالة..اذا ماعليك كلافة..
    دبي ماابيها..
    بس ممكن السعر يفرق هالكثر:mad:...
    والله يمكن من 3شهور وأنا أقول لزوجي تحرك بس الله يهديه سبحان الله أحس انه ماتحمس أبدد..والالو علي كان حاجزة من زمان..
    وترى ماابي دايركت عادي تراينزيت..
  4. @am_alamamyr_2

    صاحبة الموضوع
    أم يارا...
    فعلا بحثت بالخطوط السعودية لقيتها21495 غالية بس انصحك شوفي بالمكاتب يمكن تحصلين ارخص شوفي جميع الخطوط يمكن تحصلون الارخص وبشرينا عنك
    ماقصرتي يالغلا تعبتك معي..
    ماادري حاسة أني بقضي الصيفية كالعادة في ابها..
    الله يستر لاتصير في البيت بعد

تابعي تجارب أخرى من هذا القسم.