ابي اعرف ليش الاولاد مقدسين لاتلوموني ارتفع ضغطي من الي شفته تخخخخخخلف

@soso_soso_9


كيفكم والله لي فترة منكم تعرفون ظروف الحياة من جد والله اشتقت للنت

وسواليفكم المهم بقولكم سالفة تفقع المرارة من جد وتبط الكبد هذا الله يسلمكم

حريم جماعتنا مره رافعين ظغطي :angry2:تدرون جنس البنات في نظرهم ولا شى تفكير الجاهلية الله لا يبلانا

اختي وزوجة اخوي حملوا في نفس الوقت اختي جابت ولد وزوجة اخوي جابت بنت ومسكينة بنت اخوي الضعيفة

ما يشيلها الا احنا يا عماتها وولد اختي الكل يشيله والله اني احن عليها يقدسون الولد بشكل غير طبيعي

ولا خالتي اخت امي سالت زوجة اخوي وهي حامل سويتي اشاعة قالت ايه وطلعت بنت قالت مره ثانية جيبي

ولد <<<< كنها على كيفها

ولا وحده من جماعتنا حريم اولادها وحده جابت بنات ووحده جابت اولاد وتحب الاولاد وتطنش البنات

والحين انا حامل سالوني تبين بنت ولا ولد قلت كل شى من الله حلو بس افضل البنات اكثر وهبوا فيني

وسوولي سالفة وش كبرها بغيت اشرد من الدريشة الله لا يبلانا لمتى هالتخلف ؟؟؟؟

حريم جماعتنا ادعولهم يا بنات بشفاء العاجل ولا تحسبون بس العجايز حتى البنات المتزوجات ياربي لا تعاقبنا بما فعل السفهاء منا


كلام في بالي وقلته علشان افضفض وارتاح بنات هل تعانون نفس الشى ولا لا




:26:

73 تعليق 6,837 مشاهدة

0 0

شاركي في النقاش

سجلي الدخول لإضافة تعليق.

التعليقات

73

  1. @laziz_1

    اي بجد بعض الناس تفكيرهم تعبان
    كله رزق من رب العالمين والحمد لله
    اهم شي يجي بصحه وعافيه مو لازم ولد ولا بنت
    والمشكله كل اللوم يجي ع الام وكانها هي الي تحدد جنس الجنين

  2. @shajan_1

    ايه حبيبتي مهما كابرتوا فالولد احسن من البنت
    وانا جربت البنت والولد
    بس عاد هذا مايعني ان البنت تطيح من العين او تهمش
    بالعكس كلهم عسل وعطايا الرحمن

  4. @goood_15

    فديتهم ولدي وبنتي
    والله البنات طعااااامه ودلع وحناااااااااااااااااااااااان
    وماراح يشيل الابو والام اذا كبروا غير البنت
    اوووكي مااختلف معاك ان الولد راح يبر فينا ان شاء الله بس بطبع الاولاد القساوه وينشغلون بامور الدنيا
    بعكس البنت مهما كبرت واتزوجت تبقى تحننن لبيت اهلها وجلستهم

    والله يقومك بالسلامه ويرزقك بتوام ولد وبنت ههههههههه <<عشان ترضين جميع الاطراف

  5. @alhla_oalghla_fyny

    وربي انك صادقه
    الكل الحين كل من شافني يقولي يلا جيبي الولد
    وانا انكت اقولهم واذا جبت بنت بتطردوني واضحك
    بس طفشت منهم احس بيعقدوني وانا لسه صغيره على هذه العقد
    اهم شي طفل سليم معافى
    تصدقي احب البنات دمهم خفيف وحبوبين وحنونيين
    الاولاد احبهم بس اخاف منهم ههههههههههههههههه الله يسعدهم
    نفسي اجيب ولد صالح معافى يكون سند لبنتي ولي ولزوجي
    الحمدالله على كل حال

تابعي تجارب أخرى من هذا القسم.