زوجها يهددها بالقتل .. وهي بعيدة عن اهلها ..

السلام عليكم ورحمة الله وبركاته ..

مرحبا بنات ..

علومكم ؟؟ .. عساكم بخيـــر ..

بنات بعد ما شفت المواضيع في المنتدى والحلول اللي تنطرح ..

حبيت اعرض قصة انسانه حبيتها .. واتأثرت وايد بقصتها .. وخاصة انها ضحية واحد من اهلي .. حاولت اساعدها بس مب قادرة الا بالدعاء لرب العالمين ..

بدأت القصة من يوم عرفت هالانسانه ..

عرفتها الله يسلمكم .. يوم قالت لي أمي انه واحد من اهلها زوجته ربت وهي من الجنسيات العربية .. وقالتلي تعاي معاي ..

المهم .. شفتها .. ومن أول مرة ارتحت لها .. وخدت رقم تيلفونها وعطيتها رقمي ..

ومع الأيام بدت الاتصالات بينا ..

وسبحان الله .. ما كانت تبين لي بانها مضايجة ولا شي بالعكس دايمآ تبين لي بأنها انسانه سعيدة .. وخاصة بعد ما صارت أم ..

المهم ..

من أسبوع تقريبآ ... كلمتني وحسيتها زعلانة .. وشوي بتصيح ..

سألتها فيج شي .. قالتلي لا .. بس شوي مضايجة ..

ومن طبعي اعرف اذا اللي اكلمه مضايج ولا زعلان من شي .. بعد الحاح مني ..

قالت لي .. بانها مو مرتاحه من زوجها .. وانه صار يتمادى معاها ..

وحلفته براس بنته يقول لها اذا كان يعرف حرمه غيرها ..

تقول سكتها عنها بعدين رد عليها .. قالها اعرف وحدها ..

وصار نقاش حاد بينهم .. وقالها أنها بنت محترمه وانه يبى يتزوجها ..

وهي بلحظة ضعف منه .. قالت له يا انا يا هي .. انا طلقني ..

فنصحتها بأنها ما تعوده على كلمة الطلاق .. وكل يوم تقوله طلقني ولا من هالألفاظ ..

المهم ..

حاولت تنسى هالموضوع .. وتقول هو بعده على نفس المنوال ..

كل يوم يطلع ويه ربعه .. ولا يرجع البيت الا متأخر ..

فقالها طول الأسبوع ويه ربعي ... بس نهاية الأسبوع لج ..

وافقت على كلامه .. وفي نهاية الأسبوع تجهزت وجهزت بنتها على اساس انه بيطلعها معاه ..

بس اكتشفت بانه يقولها .. انا بطلع بروحي ..

وصار يوعدها ولا يوفي بوعده .. ويباها بس ادلع فيه ولا يقابلها بشي ..

المهم ..

زعلت هي .. وهو انتبه ..

قالها شو فيج .. قالت له ما فيني شي ..

وفجأة انقلب عليها .. وتحول تقول انسان غير غييييييييير ..

فجأة صار عصبي .. وقام ضربها .. وقام يهددها بالقتل ..

حاولت تقاومه وخاصة انه ضربها جدام اهله والخدم ..

يوم راحت غرفتها .. راح لها وضربها .. وقالها بقتلج ..

وخنقها ... لو لا عمها ( أبو زوجها ) جان ماتت المسكينة ..

تقول حتى بنته الا عمرها تقريبآ 40 يوم .. ضربها يوم صاحت ..

وهي محتارة موعارفه شو تسوي معاه ..

تقول وايد اتنازلت عن حقوقها .. وطوفت عليه وايد اشيا ..

بس بعده ما تعدل ..

وتعاني من أمه بعد .. تقول عمتها تبى تشتري لها على مزاجها .. وتباها تطلع على مزاجها .. ووايد متعبة حياتها ..

تقول تبى تسافر لأهلها .. بس هو مب راضي .. خايف تروح ولا ترجع له ..

وعمتها مسافرة .. ويبونها تروح لها .. عشان تبتعد عنه ..

وهي أمس تسألني .. تقولي اروح لأمه ولا اقعد ..

اقترحت عليها بانها تقعد على قلبه .. لانه السفر ما بيفيدها .. وهناك اذا هو مب موجود .. أمه بتتولاها ..

مسكينة وايد تعبانة .. لدرجة أنها تتمنى الموت ولا تعيش هالعيشة الصعبة معاه ..

اتمنى اني اقدر اساعدها بس ما عرفت شسوي .. لاني وايد تعبت عليها مسكينة :icon33: ..

قلت بقولكم .. وان شاء الله تقدرون تساعدونها في شي ..

وهاي السالفة باختصار .. وما ذكرت كل المواقف اللي قالتلي عنها ..

سمحولي عالاطالة ..

وجزاكم الله كل خير ..

15 تعليق 1,692 مشاهدة

شاركي في النقاش

سجلي الدخول لإضافة تعليق.

التعليقات

15
  1. صدقيني بيجي يوم بيتغير زوجها ..................................بأذن الله

    بس خليها تشوف نفسها ومولودها واللي عليها تسوي لزوجها ولأهل زوجها ..............رضى رب العالمين

    ولا تجادل مع زوجها وترحب فيه متى ما جاء بكل شوق واحترام وخليها تكون انسانة طيبة وتصلي الصلوات المفروضة والنوافل

    والأهم قيام الليل بالذات الدعاء الدعاء الدعاء الدعاء الدعاء في جوف الليل الأخير ..........................صدقيني

    كل شي بيتغير .............خلي ثقتها كبيرة برب العالمين

    والله يا أختي نحن كلنا طبقنا هذا الشي والحمدالله والحمدالله والحمدالله والشكر

    صدقيني الله سبحانه وتعالى يبلى انسان اللي يحبه والحمدالله خليها تذكر الله 24 ساعة

    وتقرأ الأذكار المهم تقضي وقتها بالمعاملة الطيبة مع زوجها ومع أهله

    وتنتبه على مولودها وعلى نفسها وخليها تصبر وتقول في نفسها اذا ضايقة

    (أنا سعيدة في حياتي والحمدالله على كل حال) تعيد هالنقطة
  2. @lojain99

    نبراس اليقين
    صدقيني بيجي يوم بيتغير زوجها ..................................بأذن الله بس خليها تشوف نفسها ومولودها واللي عليها تسوي لزوجها ولأهل زوجها ..............رضى رب العالمين ولا تجادل مع زوجها وترحب فيه متى ما جاء بكل شوق واحترام وخليها تكو…
    من جدك انت؟؟؟ أسفه بس يعني وين الكرامه؟؟؟ يعني تقص على نفسها؟؟ أيش يحدها على هالعيشه اصلا؟؟؟ و يضرب البنت الصغيره؟؟ مجنون هذا و الاجن منه اللي تعيش معاه و الاجن منهم**********************
  3. @bth151

    بالنسبه لحماتها خليها تكسبها لطرفها
    يعني تجاملها وتقول حماتها ان هذه التنوره حلوه وهي موعاجبتها تقلها طيب بس شو رايك بهذه التنوره واللي هي عاجبتها وتحاول تقنعها فيها يعني تسايرها وتجاملها صحيح بالاول رح تكون صعبه بس صدقيني بعدين رح تنفرج عليها
    اما بالنسبه للزوج فلازم تقرا سورة البقره بالبيت كل 3 ايام باذن الله لايقرب بيتهم من الشياطين احد ولاتنسى تقرا المعوذات قبل النوم وعند الاستيقاظ وتدعي وتداوم عالاستغفار والله يكتبلها كل خير ويهديلها زوجها ويجعله قرة عينها وهي قرة عينه يارب العالمين
  4. @oum_layan

    نبراس اليقين
    صدقيني بيجي يوم بيتغير زوجها ..................................بأذن الله بس خليها تشوف نفسها ومولودها واللي عليها تسوي لزوجها ولأهل زوجها ..............رضى رب العالمين ولا تجادل مع زوجها وترحب فيه متى ما جاء بكل شوق واحترام وخليها تكو…
    والله فيه رجال ما يتغيروأ ولو بعد 30 عام زواج ،أنا ما أقول هذا الكلام من راسي بس عشته

    ليش لا تجادل مع زوجها هي مش إنسانة وزوجة ؛

    أختي بداية حياتي ..

    مش لازم تخليه يضرب الطفلة

    الله يفرج همها

    لازم تقول لأهلها وهم لي يمكن يساعدوها
  5. صاحبة الموضوع
    نبراس اليقين
    صدقيني بيجي يوم بيتغير زوجها ..................................بأذن الله بس خليها تشوف نفسها ومولودها واللي عليها تسوي لزوجها ولأهل زوجها ..............رضى رب العالمين ولا تجادل مع زوجها وترحب فيه متى ما جاء بكل شوق واحترام وخليها تكو…
    تسلميييييييييييييييين اختي عالنصايح ..

    وأنا قلت لها .. ادعي انه ربج يسخره لج ولبنتج ويهديه ..

    ومسكينة سوت اللي نصحته به .. بس وايد نفسيتها تعبانة ..

    والله يجزيج خير أختي ..

تابعي تجارب أخرى من هذا القسم.