زوجي يخوني اخواتي الي ازواجهم يخونونهم والا عندهم خبره يدخلون

السلام عليكم ورحمة الله وبركاته
اخواتي العزيزات
مما بلغ بي من الالم والهم اكتب لكم
انا بنت متزوجه من 4 سنوات عندي ولد ياخذ العقل عمره 3 سنوات
زوجي كان متزوج قبلي مرتين وعنده ولد اخذته لاني حسيت ان الدنيا ظالمته
المهم قبل اسبوع اكتشفت انه يكلم وحده على المسن تضايقت جدا مسكت نفسي
مع اني كنت ملاحظه عليه انه متغير بس ما توقعت انه يكلم وهذي البنت في المنتدى الي هو دايم متواجد فيه
شكيت بعدها بكم ساعه صارت تجيه رسايل على جواله كل 5 دقايق تقريبا
بعد خمس ساعات كان قايم من النوم ودخل الله يكرمكم الحمام وكان محتار وين يحط الجوال
المهم انا من حركاته اصريت اشوفه ولما دخل اخذت الجوال وارسلت الرقم على جوالي
طلع هو قبل ما ارجع الجوال وشافه وهو في يدي وعصب وقالي وش لك في جوالي انا ارتبكت وصرفته طبعا
هو عشانه مسوي شي عصب علي بدون ما يهاوش ولا شي
بعدين طلع يصلي وبعد الصلاة ارسلي رساله فيها انه مايرضى احد يمس خصوصيته وان السالفه هذي لو تكررت راح تكون عواقبها وخيمه
المهم بعد ما حس اني عارفه
صار يكلمها ويراسلها وهو في الدوام وانا ما ادري
امي تقولي اصبري نزوه وبيتراجع عنها
اخته تقولي انا زوجي كذا وسعي صدرك وادعي ربك
حتى انه اليوم تاخر اشوي عن جيته ولما طليت مع الشباك حصلته يكلمها على الجوال
انا تعبانه نفسيتي وشهيتي منقطعه مره حتى اذا غصبت نفسي احس بستفرغ
انا حاولت المح له اني ما اسامح ولا احلل الي كلمته
بس هو الا الان منكر انه يكلم
يقولي وش فيك انا ماني من النوع هذا
واخاف اواجهه يطلقني والا يذيني زوجي طبعه حقود اذا كره كره قوه
وهو قالي انت تشككين في ثقتك فيني
وانت تفتحين عيوني على اشياء انا ماني لمها
وزوجي رجال عاقل ورزين ومذن في المسجد بس ما ادري كيف هذي البنت قدرت تدخل عليه
وانا ما اقصر عليه بشي حتى هو يقولي اني ماحبيت حريمي الي قبل كثر ما حبيتك وهو عمره 32
فكرت اكلم امه او اخوه بس خفت يطلقني
ارشدونييييييييييييييييييييييييييييييي يااخوات الي عندهم علم بالتعامل مع هذي الحاله تكفون ابي ارتاح وانا احبه ولا اقدر اتخيل نفسي من دونه

55 تعليق 5,292 مشاهدة

شاركي في النقاش

سجلي الدخول لإضافة تعليق.

التعليقات

54
  1. @shmokhy_ytaadak

    ياقلبي والله اني حاسه فيك لاني اعاني نفس حاالتك والله يفرجها لنا
    انا من راي طنشيه وهذي نزوه بعدي بس اهم شئا انك تكثيرين من الاستغفار والدعاء
    والصلاة اخر الليل وربي ترتاح نفسيتك والله يرده لك
  2. دامك تحبينه وماتبغين الموضوع يكبر اصبري
    وقومي الليل وادعي اللي عينه ماتنام
    وثقي انه ماراح يخيبك سبحااااااانه
    وأكثري من هذا الدعاء:
    "ربنا هب لنا من أزواجنا وذرياتنا قرة أعين"
    دعواااااااتي لك
  3. @mtgr_shms

    انتبهي تفشي اسرار بيتك لاهله لان راح يزيد في كرهك وفي النهايه ما راح ياثرون عليه باي شي
    نصحيتي لك داومي على قراءة سورة البقره كامله بتدبر وادعي ربك
    وكونه محافظ على صلاته ومؤذن اكيد يحس بتانيب الضمير بس الشيطان
    دعواتك له
  4. @am_bsam2011

    الله يعينك ويفرج همك تبغين نصيحتي طنشششششششششششششششششششي ادري بتقولين صعبه بس حاولي تطنشين وتعيشين حياتك لاتهتمين خليك قويه الرجال اللي يخون زوجته حرام دمعتنا تنزل عليه عيشي حياتك وفليها ترا الدنيا مو دايمه
  5. @amphms_alnsym_amp

    طنشي الموضوع وادعي في قيام الليل ان الله يرده لك ردا جميلا ويسخره لك

    واكثري من الاستغفار وعيشي حياتك وانبسطي وشوفي اذا مارجع لك بإذن الله..

تابعي تجارب أخرى من هذا القسم.