سبحان الله وبحمده سبحان الله العظيم
السلام عليكم ورحمه الله وبركاته
اليوم جايبه لكم خطوات مهمه في العنايه مع التهاب الحفاظ وطبعا دائم يكون السبب الاسهال
وعشان نعالج المشكله جذريا نحاول نعطي الطفل شي يوقف الاسهال بطاطس وجزر مسلوق رزمصري مسلوق
زبادي مع ثوم مبشور وليمون مع عسل
واذا الطفل رافض الاكل بسبب الاستفراغ فيه محلول جدا رائع وطعمه حلو يحفظ طفلك من الجفااف وبيكون زي الغذاء
له وهاذي صوره له ترااه مهم يابنات انا احفظ كميه منه في الثلاجه للضروره
نجي للموضوع المهم كيف تخففين من الاتهاب راح يبدأ يخف التهاب بالتدريج من يومين الى ثلاث ايام مع الاستعانه بالله
نبدأ الخطوات:
اولا: غيري له نوع الحفاظ الى بامبرز عنايه مميزه هذا النوع رائع لان يحفظ جلد الطفل لان يمتص البراز ومبطن بقطن
ثانيا: لما يتبرز وجيتي بتغسلين له ابعدي عن اي صابون معطررر نهائي لانه راح يهيج البشره ويزيد من تفاقم المشكله ولا تستخدمين مناديل مبلله زي حقت بامبرز وغيرها فهي معطره و لان طريقه التمسيح بيزيد من الاحمرار او نزيف اذا فيه جروح ولاتغسلين له بماء فقط لانك المنطقه يبغالها تطهير فا انا انصحك بصابونه جدا جدا جدا رائعه ترطب وتطهر المنطقه اسم الصابونه سيتافيل سعرها حول الـ35 ريال
ثالثا: بعد ماتنتهين من عمليه الغسيل خذي مناديل كلينكس لانها ناعمه وقومي بالظغط لتجفيف المنطقه لازم طريقه الظغط
رابعا: في كريم رائع جدا ويخفف من الاتهاب شي كثير قومي بدهن المنطقه الا ان يمتصها الجلد تقريبا اسمه مومينتا سعره حول الـ30 ريال
ولبسيه حفاظ العنايه المميزه
طبعا يابنات انا هاذي مطبقتها على ولدي يعني مجربتها وان شاء الله تستفيدون منها اهم شي تطبقين الطريقه وماتغيرين في الكريم او الصابون او الحفاظ وراح تلاحظون الفرق
والله يحمي كتاكيتكم:)
كل اللي ابي منكم دعوة بظهر الغيب ان الله يحفظ عيالي واهلي وزوجي وان يحقق لي امنيتي:26: