كيف اقنع امي بكلامي

السلام عليكم ورحمة الله وبركاته

صباح / مساء الخير اخواتي

كيفكم اتمنى تكونون بصحه وعافيه

بنات ودي امي تسمع كلامي من ناحية صحتها هي مرره مهمله وانا تعبت اقنع فيها وماتسمع
واحيانا احسها تعاندني رجولها منتفخه ووزنها زائد ونصحها الدكتور تخفف وزن واكل واحيانا تحس نغزات برجولها الدم مايمشي وفيها هشاشة عظام وخشونه بالركب هي ماتسمع النصيحه تعبت وانا اقنع فيها اجيب لها من النت صور حريم رجولهم مليانه ومنتفخه واقرا لها عن الامراض وهشاشة العظام والسمنه تخاف من الكلام ولاتلتزم بالحميه والله كل شي سويته لها اطبخ اكل صحي وخضار مسلوق وانا اكل منه وهي تاكل شوي وتروح للدسم وتشرررب ببسي بكثره والحليب
ماتبيه ولا تشربه ياما قلت لها لاتشربين ولا تسمع تمتنع عنه قدامي وتشرب من وراي بالمطبخ بنات امي مادرست ولاتعرف وش اسوي معاها اقولها هذه صحتك اهتمي فيها الوقايه خير من العلاج تسكت وتقول صح كلامك بس مااشوفها تطبقه بس انا افتح عيونها على صحتها وبرضو ولا شي اشترينا سير ولا تبي تمشي اشجعها امشي معي بالسطح او الحوش لو عشر دقايق ماتبي اتابع برامج الصحه وهي معي تسمع ولاتنفذ
حتى الدرج تتعب لما تطلعه والله انا وراها وامسكها وامشيها احيانا اعصب لو شفتها على المجلى واقولها تبين شي ناديني لاتسوين شي انتي لان الوقفه الكثيره تتعبها والله احيانا تطنش كلامي اعرف تزعل مني احيانا لما اعصب بس مو بيدي وش اسوي وعندي ابو منزوعه الرحمه من قلبه يعني لو الحرمه ماكرفت مالها داعي تعيش
مايحس فيها وكارفها بالبيت عطوني الحل وش اسووووي ؟؟

7 تعليق 11,749 مشاهدة

شاركي في النقاش

سجلي الدخول لإضافة تعليق.

التعليقات

7
  1. @skarlyt_1

    حبيبتي بوسي راسها وايدينها قوليلها ياامي انا اتعب يوم اشوفك كذا ترضين اتعب انتي اهتمي عشان خاااطري ونزلي دمعتين ترا الام قلبها حنوووون
    وانتي ذكريها وخليكي وراها وترا كله باجره ياقمر بس دايم خليكي وراها وسويلها اكل صحي بس لذيذ لانه بصراحه بعض الاكل الصحي مااااصخ ماله طعم ودايم جيبيلها بدايل جبن قليل الدسم حليب قليل الدسم الثوم ممتاز لدهون الجسم زيت الزيتون بالطبخ خلي ابويكي يجيب سمك ودجاج بدل اللحوم واذا ماتحب الثوم خذيلها حبوب الثوم من الصيدليه مفيده وبدون ريحه
    ولاتقوليلها ياامي روحي امشي عشان تخسي لالالا قوليلها امي طفشانه خلينا نمشي سوا شجعيها بشكل غير مباشر

    واي استفسار من عيوني ياقمر لان امي عندها تقريبا بعض مشاكل امك الصحيه يعني عندي خبره شوي
  2. @tanya_5

    صاحبة الموضوع
    مشكوره ياعسل على مرورك ونصايحك الله يجزاك خير ويعطيك العافيه ويمد امهاتنا بالصحه والعافيه وراح احاول اسوي كذا وياررب تقتنع دعواتك يالغاليه ..
  3. @tanya_5

    صاحبة الموضوع
    يعطيك العافيه على المرور ورفعك للموضوع رفع الله قدرك في الدارين ..
  4. @mango2

    يارب يحفظها لك ياااارب ويحنن قلب أبوك عليها ويمدنا
    وياها وكل مسلم بالصحه والعافيه ياااارب
    اللهم اميييين

تابعي تجارب أخرى من هذا القسم.