تجمع لمن يعاني من الهلع والفزع ووسواس الموت تبادل خبرات/ قديم

صباح الخير بنات وش أخباركم ,,
انا بقولكم وش اللي صار معي , انا الحين متخرجه من الجامعه هذي ثاني سنه ,
لمن كنت باولى ثانوي توفت جدة ابوي وكنت اول مره احضر عزا بكامل تفاصيله اول ماكنت اروح للعز بس هالمره كنا مضطرين ورحنا كلنا , المهم اني من بديت اسمعهم يقولون وش سوت وش حطت الله يرحمها وتعرفون الكلام عن المتوفي , بديت اهوجس واخاف و من ثالث يوم اذكر حلمت حلم فيها مدري وشو بس اني قمت مييته خوف وقومت امي وانا تنافض من الخوف قلت بس واضح تفسيره اني بموت ومن هاللحظه بدا معي الوسواس وتبهذلت وبهذلت اهلي معي اقوم بنص الليل اشوف انا مت والا لسه :biggrin:
وكنت دايم احس قلبي يعورني واني بنكتم وخلاص بموت وكل الامراض وسوسوت انها فيني وبموت بعدها
بس مررره تعبت تعبت كل ماحد كلمني والا شي احس انها اخر مره اكلمه لمن اطلع اغير جو يجيني احساس خسيس يحسسني انه الاجواء غير وكئيبه وكأني قاعده اودع الدنيا وطول الوقت اصيح واتنكست حياتي , الى ماقالت لي امي الله يخليها اقري ايات السكينه وصرت ادور ايات السكينه والحمدلله الحمدلله مع الدعاء شوي شوي بدأ يخف الى ما اختفى بنفس السنه وكنت دايم احسس نفسي انه فتره وبتعدي وانه مرض واوهاوم مو صدق ,,


والحمدلله بعدها راح و عشت حياتي طبيعيه جدا ,

لكن لأن شخصيتي وسواسيه بس ماتطلع الوسوسه إلا لمن اتعرض لضغوط نفسيه , ا
لحين مع قعدة البيت والطفش ,, رجعت لي الحاله , بس لأني صرت اقول في نفسي عادي إذا مت بروح لمكان احسن واقنع نفسي وابعدها انها ماتخاف من الموت والا اقول اذا مت الله يرحمني:biggrin: ,
والحين فعلا صرت مااخاف على نفسي ابد , بس شوفو دناءة الوسواس , صار يجيني يوسوس لي بأهلي ,, واخاف عليهم الله يحفظهم بحفظه .
وشوفو عاد الاحلام , أول كنت احلم احلام تخوفني على نفسي الحين لأ على اهلي عشان اخاف زياده ,,
يعني الموضوع كله وسوسه بوسوسه ,,

بس عن تجربة والله سورة ق مؤثره جدا جدا في الوسوسه مع تكرار الاستماع او القراءة الحمدلله اتطمن ويروح عني الخوف وحتى لو كنت بأشد حالات الخوف والوسوسه بس طبعا يبغالها تكرار , انا احط السماعات باذني واخليه يقرا ويعيد إلى ما أحس بالأمان ,,

والله يابنات الوسواس بس يبغاله تقولين ستـوب ,,
واذا جتك الافكار الشينه على طول قومي من مكانك سوي اي اي شي يشغلك وبقوه وقومي وشغلي سورة ق وعلي الصوت ولا تاخذين وتعطين مع الوسواس اضغطي على عمرك ولاتفكرين كثير وتذكري انه ابليس وقاعد يستانس عليك كل ماخفتي اكثر كل ماستانس اكثر ,,

أتذكر مرا سمعت المطلق يقول الوسواس زي السيارة اللي بدون فرامل اذا ماسويتلها فرامل بتظل تمشي تمشي ,,
الله يشفيني وياكم ويعافينا ويحفظنا واهلنا واحبابنا من كل شر ..
وتعوذو من ابليس عشان ماندخل في سوء الظن بالله , خلونا نحسن الظن بالله ونتخيل كل شي بيصير لنا حلو وربي قادر على هالشي ,,

توكلنا على الله


دعواتكم :)

مرحبا بنات كيفكم ابشركم حالي تحسن عن اول الفضل لله من قبل ومن بعد ثم بفضل العلاج النفسي ريحني كثير ضحيح مفعوله بطي بس الحمد لله تحسنت بنسبه كبيره الله يشفيني ويشفيكم

خوخه المطنوخه وشي علاجك

اختي انا رحت عنده بس ما عجبني اسلوبه مره جاف .......... ما كأنه د كتور نفسي......... مع اني الحين اقول ليتني طعت كلامه واخذت االعلاج