خطتي مع زوجي فاشله ياليت تساعدوني
بحكي لكم قصتي مع زوجي الغريب انا متزوجه وعندي عيال ولله الحمد ... مشكله زوجي بارد جدا معي كل همه توفير الاكل للبيت وتوصيلنا للمكان اللي نبيه وبس وحياته دوام بيت تلفزيون اصحابه قلت خليني اسوي في زوجي خطه كنت ابي اعرف فيها درجه و نوعيه البرود اللي فيه انا انام معه بغرفه وحده واللي حسيت بزوجي لما يبي مني ج...... مايعرفني الا بالسرير فقط يعني على العميانه ماهمه انا نظيفه او لابسه اومستعده نفسيا اولا وطبعا لما يطالع التلفزيون ولاكنه حرمه جنبه يعني مايعرفني الا لما اروح انام بس ..ومو دايما بعد انا هذي تصرفات ابدا ماحبها ييعني ايش مايعرفني طول اليوم ولا حتى يتكلم معي ويسولف ال بس بالغرفه وان حصل شي وان ماحصل ولاهمه قلت بتخذ قرار واخذ فراشي وانام مع عيالي واشوف يفقدني والالا اخذت فراشي ونمت مع عيالي اول يوم قال وشفيك نايمه معهم قلت المكيف هنا ابرد واليوم الثاني وصارلي الحين شهر ولاهمه ابدا ابدا وعنده الموضوع عااااادي جدا وصار له الحين شهرررررررررر ولا لمسني ابدا حتى وحنا جالسين عند التلفزيون او في اي مكان يعاملني معامله الاخت مو زوجه ابي زوج ياناس يحس فيني يهتم فيني يحسسني اني حرمه على وجهه الارض احس اني مربيه بالبيت مو زوجه والله صرت اشك فيه انه عنده علاقات بس قلت لالا لا يلعب فيني الشيطان عرفت ان زوجي ماهمه الحرمه وحركات الحريم ومايهزه شي ابد امس قلت لبنتي تعالي دلكي ظهري لانه يعورني وخلعت بلوزتي قدامه عند التلفزيون وبنتي الله يحفظها تدلك ظهري بالزيت وهو ولا كنه يشوف كأن اللي قدامه حرمه غريبه مو زوجته معقوله هذا رجال مدري وش اسوي معه كيف اخليه يحس اللي عندها افكار يمكن تكون قد مرت بهالحاله ياليت تعطوني افكار تخلي هالادمي يحس فيني وماكون تحصيل حاصل عنده في البيت مليت والله مليت المشكله لاعندي صاحبات ولازميلات اشكي لهم حالي واسلي نفسي معهم عايشه حاله طفش ومالي الا الله وانتو ساعدوووووووووووووووني بلييييييييييز