مرحبا ..
الحين انا في شهر السادس اكتشفوا انه معي سكر حمل و مشيت على حميه و ما نفع .. و الحين انا في شهر السابع عطوني انسولين .. عشان ينظم السكر ..
المشكله انه انا السكر منتظم بين الوجبات .. المشكله هي قبل الفطور مو منتظم ابدا المفروض انه يكون تحت ال 90 قبل الفطور و هو دائما يكون حدود ال 100 :44:
وخايفه اذا ما نزل يولدوني قيصيري ابي ارتاح نفسيا موعدي مع دكتورتي حقت الولاده بعد اسبوع ..
و موعدي مع الدكاتره الي يتابعوا معي السكر بعد 3 اسابيع .. انا اكلمهم كل اسبوع اعطيهم نسب السكر و رفعوا لي الكميه .. و قالوا انشوف بعد كم يوم اذا ما استقر نرفع الكميه اكثر ..
بليز الي يعرف اي احد مثل حالتي .. السكر مو منتظم معاها و تاخذ انسلون اطمني الله يطمن بالكم
شاركي في النقاش
سجلي الدخول لإضافة تعليق.
التعليقات
8- لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير .. - الله يهداج ١٠٠ عادي لا توسوسين تراني حامل وعندي السكر ونسبة السكر مثلج وقالولي عادي اهم شي الارتفاعات اللي بعد الاكل هذه المفروض تحاسبين منها واتوكلي على الله واعتمدي على حمية غذائية متوازنه وباذن الله ينتظم سكرج بس اهم شي لا تفكرين لان التفكير والتوتر يرف السكر على طول
- انا ماعندي خبره كثير لكن حاليا اعانيمن ارتفاع سكر الحمل
والنسبه الي قلت عليها ماتخوف كثير
القلق والتوتر يرفع السكر
شوربة كويكر ...الباميا ... كثري سلطات ..واعتمدي الخبزالبر بدال الارز والخبز الابيض جربتهم في الحميه والحمد لله فيه تحسن
الله يشفيك يارب - بعد الوجبات منتظم الحمد لله .. دائما اقل 140 ..
بس قبل الفطور دكتورتي مو عاجبها ابدا تقول لي احتمال نزود جرعه الانسلوين اذا ما نزل السكر الي 90 او اقل قبل الفطور .. :44: - خبيبتي ان شاء الله عااادي لا تفكررررين
مواضيع مشابهة
تابعي تجارب أخرى من هذا القسم.