شكرا لكل وافد جاء او عاش في هذا البلد

موضوع اكثر من رائع

جزاك الله خيرا

كلامك صحيح الف بالالف :39:

مين جاب الهندي والبنقالي مو الشعب وبرضاهم علشان يوقفون في المحلات بدلهم لان اولادهم ما يرضون
علشان يبنون لهم البيوت لان اولادهم ما يرضون
دخلناهم بيوتنا يصلحون الحمام والكهرب وهم مو متعلمين هذي الصنعه ولا دارسينها لان احنا ما نقدر نكلف على انفسنا نفهم الصنعه ونقعد تحت المغسله نفك ونربط
اشتغلوا حمالين اغراض في السوق علشان اللي على ايدها نقش الحنا ما تقدر تشيل الكيس
السواق فيهم يشيل شنطه البنت من المدرسه الين يوصل السياره
احنا جبناهم مو للعون لا جبناهم يسون كل شغلنا
جاييين من كل حدب وصوب فيهم المجرم وفيهم المريض نفسي وفيهم السارق وفيهم القاتل ونعرف هذا الشي وما زلنا نستقدمهم
الشاب السعودي يبغى مكتب ويصير مدير يامر ويتهي بس
روحي البلديه وشوفي كيف تمشي المعاملات
روحي اداره التعليم وشوفي مصالح الناس اللي مرميه واوراق ضايعه اقسم بالله قمه الاهمال
انا مااتهم الشعب السعودي بالكسل لا الشعب السعودي نفسه ضيقه ما يتحمل يبغى كلا شي جاهز مافي همه ولا طموح
الدوله وش تسوي لواحد تخرج بستين من الثانوي توسطوا له ودخلوه الجامعه ودجه على كيف كيفك في قسم ماله اي مستقبل
قسم يسمح له يطلع مع الشباب اخر الليل وما يحرمه من المرح طالما في اب يدفع وام تطبطب
ويتخرج مافي وظيفه وش تسوي له الدوله
كل واحده فيكم لو عندها مؤسسه ولا شركه ماراح تحط واحد يهمل ويضيع شقاها
لو انا صاحبه مؤسسه ابغى واحد يشتغل وينتج مو يستهلك
درسنا واحنا ضغار جمله من جد وجد ومن زرع حصد
هذا فلان سعودي طفح الدم علشان يتخرج دكتور همته ما وقفته طلب بعثه جاب الزماله الكنديه والبورد الامريكي ورجع وانحط عالراس واتوظف وراتبه فوق 40 الف
فلا سعودي درس واجتهد واختار قسم يعرف ان له مستقبل لان عنده همه وطموح وخلص وابتعثوه وهو الان برفسور وعميد قسم البحوث والدراسات العليا
هذا فلان دخل الهندسه واجتهد وتخرج واثبت للعالم انه قد المستوى وهو الان وكيل وزير
فلانه سعوديه خريجه فسم تربيه فنيه اشتغلت في دار الحكمه وطفحت الدم كرفوها لحد الموت على الفين ريال وكافحت وجاهدت
وهي الان تستلم 12000
الله ما يضيع تعب عبده لا تقعدون تقولون احنا دوله غنيه مافي احد ياخذ شي ببلاش
ولو حصل هذا الشي من يعمر البلد هذي بلدنا واحنا اولى نعمرها
اخواتي فلان سعودي تخرج من الثانوي بستين وهو يشتفل في اداره سوق 3000الاف
امه وابوه اشتروا له سياره فارهه وزوجوه في اغلى قاعه وافخم زواج واثثوا بيته اغلى اثاث وبعدين ...... امه وابوه بيعيشون العمر كله
غير انا شعب لانؤمن بمد رجلك على قد لحافك
عندنا مدرسه وزوجه مدرس اخذوا قرض من البنك علشان يتمشون تركيا
اخت معانا هنل في المنتدى راتب زوجها 4000 ومستاجره فله ب 40000 والله شي طبيعي تشتكي من ضيق الحال هذي لو راتبه 20000 وين تسكن
في شي اسمه اولويات في الحياه
لاتقولون عممتي انا ما عممت اعطيتكم نماذج لشباب عندهم همه وطموح واثبتوا انهم قد المسؤليه ونالوا مطلبهم ما احد ظلمهم
روحوا ايكيا واسالي السعودي عن اي شي يقول لك ما اعرف والله واسالي الفلبيني وشوفي ليه ؟ شي يزعل
تعالي مدارس البنات والاولاد في احد محلل راتبه اللي باقي الله يسالهم عنه
حصص ما يدخلون شرح من جنبها نص المنهج محذوف واسئله مراجعه اخر السنه والاختبار منها
الاسره مشاركه في الغلط والمدرسه مشاركه في الغلط والمجتمع كله مشارك
اتمنى ما احد يزعل بس هذا الواقع رغم مرارته لا نقعد نخدر انفسنا بابر مهدئه اسمها الاجنبي اكل حلالنا
ادمي ترك بلده واهله علشان لقمه العيش وبيضاربنا عليها طالما شاف تقاعس واحنا اللي جبناهم برضانا اذن نتحمل جرايمهم
اللي يبغى الدح لا يقول اح

عندي بعض النقاط أتمنى تتقبلينها بصدر رحب

في البداية اقول

شكر لكل وافد خدم البلد

والمقال فيه بعض المغالطات تتمثل في التعميم

يقول الكاتب

أولاً
الي يقول كذا مايقصد وفي كل بلد في العالم الأولية في التوظيف لأهل البلد وهذا حق مشروع للجميع فمثلاً لو فيه مصريات معاهم شهادة بكالوريوس رياضيات وعاطلين ومصر تستقدم سعودية تحمل نفس التخصص اعتقد هذا شيء يزعل ومحد يلوم المصريات لو زعلو

ثانياً
مقولة انه بالكاد يجد وظيفه تسد رمقه لأخر الشهر هذا كلام مغلوط لأن الغالبية يشتغلون تحت غطاء التستر وبعطيكي مثال : بسيط
الوالد يملك 6 عمائر وتجارته كلها في بناء البيوت واجيرها وغالبيتها فيها محلات يعني يمكن عنده 40 محل مئجرها جميعها لوافدين والسعودي اسم بس يعطوه على 1000 ولا 2000
لأنكر فيه كثير رواتبهم ضعيفه والله يكون بعونهم
لكن ليش مانقول الحق كل جالية عندنا تخصصت بتجارة
محلات الملابس المطاعم محلات التنجيد والستائر وغيرها
ياعزيزتي انا ابوي رغم ان الله رزقه ولكن جدي في التعامل يخلي اخواني يعتمدون على انفسهم فمنهم واحد موله كبداية فقط اعطاه راس مال وقاله اشتغل في تجارة الموكيت ففتح محل ومشي شغله زين وكان مستئجر في مكان حرك بهذا النوع من التجارة مو عند الولد ولكن للاسف تعرض لحرب عشواء من بقية التجار وكلهم وافدين من الجنسية الافغانية الين جاله واحد منهم وقاله دخلني معاك شريك واعطيك دعم 100 الف ريال
فلو قلتم لي اعطي تقدير
اقول 70 % من محلات السعودية ملاكها وافدين تحت غطاء التستر
وانا مااعترض بالعكس كل مين يترزق بالحلال بس هالكاتب بالغ شوي
ومثال بسيط
زوج عمتي شغال في مطبعة الملك فهد له 20 سنة راتبه 6 الاف ريال وعنده كوم لحم واللبنانين في نفس المطبعة ياخذون 25الف و30 الف مع العلم ان المطبعة مشغلتها شركة سعودي اوجيه لسعد الحريري ليش ماقلنا المفروض يشغل سعودين بيفيد اهل بلده وحقه
ياناس ياعالم في اجانب زملاء للوالد مستاجرين محلات عند الحرم والله ايجاراتها تتجاوز 150 الف و 300 الف
انا هنا بس ارد على نقطة انه الوافد يادوب يكفيه راتبه لأخر الشهر
اقول ليس كلهم

ونقطة اخيرة الي تقول النفط للجميع

نعم انا اقول النفط ليس للجميع وإنما لكل مسلم

ومو خسارة نعطيه المسلمين
وللمعلومية اخوي يبي يدرس في احدى الدول العربية الشقيقة ونزلت موضوع بالمنتدى
لأنه مو من اهل البد دراسته بتكلف 56الف ريال بينما تطلع على ابن البلد مبلغ لايتجاوز 15 الف ريال
لايفهم من ردي الحسد بالعكس رديت على نقطة معينة ذكرها الكاتب

وفي الختام شكرا لكل وافد قدم خدمة لهذا البلد الكريم