مساء الخير يااخواتي الغاليات
بداية احب اعطيكم نبذه بسيطه عن اختي الكبيره فديتها
طبعا توفت امي الله يرحمها ويجمعني بها في مستقر رحمته وانا عمري ثلاث سنوات
او اربع وخوي اللي اصغر مني كان عمره شهرين
والحمد الله على كل حال
طبعا عندنا اختي الكبيره الله يطول بعمرها ماتقصر عنا بشيء ابدا وصارت لنا مثل الام
طبعا حنا كبرنا وتزوجنا انا الحين عندي طفلين واخوي اللي اصغر زواجه قريب ان شاء الله
المهم اختي غرقتنا بجمايلها علينا وحنونه جدا علي وعلى عيالي
الحمد الله ربي عوظنا خيير
لدرجة ان نفاسي يكون عندها في بيتها
ولين بغيت اسافر اخلي عيالي عندها
وعيالي ما ينادونها الا ماما
صدقوني مهما كتبت ماراح اوفيها جزاها
المهم يااخواتي
كانت تجهز لزواج بنتها ومشغوله
بالتجهيز وتفصيل الفساتين لها ولبناتها
طبعا سالتني فصلتي لبنتك قلت لا لان بنتي عندها فستان زواج عمها
قلت خلها تحلله وتلبسه المهم قبل الزواج بيوم مادريت الا جايتني ومعها فستان لبنتي وكسسوارته وشرابه
وتوابعه كلها فا احرجتني يعني حتى وهي مشغوله بعيالها ماتنساني انا وعيالي
قالت ماهان علي افصل لبناتي وبنتي الثانيه لا
طبعا تقصد بنتي
وقالت ناويه حتى افصل لك وخليها مفاجئه بس ماسمحت لي الظروف
يعني مغرقتني بجامايلها مررره الحين بزواج ولدها سوت نفس الحركه
حتى ولدي قالت بفصل له مع عيالي بس رفظت
وش رايكم وش اسوي لها
ووتكفون ادعو ان الله يحفظها ويطول بعمرها ويرزقها بر عيالها جميعا
شاركي في النقاش
سجلي الدخول لإضافة تعليق.
التعليقات
111- الله يخليها لكم ولا يحرمكم منها
- يالبى قلبها قسم بالله ...تذكرني بأختي الكبيره من جد حنااان الكون كله كله فيها
الله يخليها لك ,,ولا تقصرين معها ابد وهي تستاهل - يسعدها ربي حبيتها من كلامك
جيبي لها سواره ذهب او شاركي بالعرس بشئ مثلا الديجيه يكون منك او الطقاقات
واذ كنتي مقتدره مادياً جيبي لهل جلسه او كنب صراحه اللي مثل اختك كنوز الدنيا ماتوفيها حقها - اذا ضروفك تسمح لك لبسيها ليلة زواج عيالها ذهب
واذا ما قدرتي خليها تحج وامسكي عنها المسؤليه كامله واعطيها مصاريف الحج الظاهر اها احلى هديه - الله يسعدها ويرزقها من فضله ويبارك في صحتها وعافيتها وذريتها ويحفظها لكم ويجمعنا ويجمعكم واياها ووالدينا واهلينا في جناته انه على ذلك قدير
مواضيع مشابهة
تابعي تجارب أخرى من هذا القسم.