~*¤ô§ô¤*تجمع لأحــلى حــوامــل التــوائمــ~*¤ô§ô¤*~(1)

السلام عليكم جميعاً ..
كيف حالكم ياحلوات ؟
وحشتووني يابعدي والله ..

يالبى قلوبكم كلكم
اشكركم كلكم على تحمدكم لي بالسلامة ومباركتكم لي
الله مير يسلمكم كلكم ويبارك فيكم
ويسهل عليكم جميعاً<<دعيت لكم وانا لولد هع
نقولكم الاكشن على قولتكم خخخ
بسم الله ماشاء الله
يوم الاثنين كنت عند اهلي وجالسين نسولف وكذا وبطني كان يعورني عادي ماتوقعته طلق وخرابيط<<طبعاً الاخت ماتعرف طلق وما طلق خخخخ
كان هذا وقت المغرب كنت اقول لامي بطني يعورني وقعدت تهاوش انسدحي ماغير جالسة ٢٤ساعة <<حتى امي ماجا في بالها
المهم الالم كل ماله يزيد ويروح ويجي انا بدى الخوف يدب فيني
ادق على زوجي اقوله بطني يعورني تعال خذني يقول مره ولا شوي قلت وسط قال اجل اصبري شوي
المهم واجلس كان الالم محتمل
ورحت تروشت وجهزت اغراضي وزاد الالم مره
واكلم زوجي قال ثواني اجيك << كان الوقت ٩
المهم طيران عالمستشفى عاد بعيد شوي وصلنا هناك ١٠ الا عشر
ونروح على قسم الاسعاف والطوارئ واجلس بالاستراحة ويروح زوجي يقولهم زوجتي بتولد دخلوها << ضحكت عليه
المهم قاسوا ضغطي والحرارة وخذوا مني بول الله يكرمكم
وقالوا اجلسي بالاستراحة لما يجيك الدور وننادي اسمك
وانا اقول بطني بطني حرام عليكم دخلوني ولا كني احكي
لان الالم صار نار وبديت ابكي وحالتي صعبه وابلشت زوجي معي خخخخ
نادوني الساعة ١١ ونص
وادخل الا عند الدكتورة وحده ترطرط هي وامها بهالحكي قهروني يسولفون كن ماوراهم احد طولوا مررره
ويجي دوري وادخل عالدكتورة وانا ابكي قالت سلامات شفيك قلت باولد قالت بسم الله عليك اجلسي احس ودها تضحك علي
قعدت تسالني كم سؤال وقالت يلا عالسرير اكشف عليك انا طارت عيوني ماودي انها تكشف علي << احلفي جايه تولدين ولا تستهبلين
المهم كشفت علي الا هو مفتوح ٣ سم
انا اقول في بالي كل هالالم وبس ٣
وقالت الحضانة حقت الخدج احتمال تكون مليانة قلت وش يعني قالت يعني يمكن تروحين لمستشفى ثاني قلت خير انا اتابع عندكم بالاخير اروح
قلت ماابي اروح دبروا لعيالي مكان
قالت بما ان اوزانهم كويسة واحد ١٩٠٠ والثاني ١٨٠٠ بحاول يمكن يرضون
وتقعد تكلم وتخربط وتدقدق وانا اصارع الآلام <<متعوب عالكلمة
وتسكر وتقول الحمدلله فيه بيبي توه طلع وفيه امكان لبيبياتك وقالت يلا على غرفة الولادة
وطيران بي عالغرفة فيها حريم نايمات خخخخ كان الوقت ١ بالليل
ويعطوني ذاك اللبس الخايس اللي ماغيره
والبس واقعد على السرير والالم تصارعني خخخخ
وعلى الساعة ٣ونص عطوني ابرة مسكنة مدري مدوخه خخخخخ
ونمت عليها الين الساعه ٦ الصباح
خلاص ما اتحمل الالم وانادي الممرضة اقولها شوفي لي حل ابي اي شي ابي اولد قالت لا ماما باقي خخخخ
ويوم جت الساعه ٧ تكشف علي مفتوح ٥ يلا على غرفة الولادة الصدقية خخخخ
وقبل لا يودوني جاني دكتور ويخربط ومدري ايش
قال اذا تبين ابرة الظهر علمينا قلت لا مابي لاني متخوفه منها ويكمل حكي ويكتب وكذا وانا باموت من الالم يوم جا بيروح قلت ابي. الابرة
جلس يضحك خخخ
المهم قال اوكي وودوني بغرفة الولادة الصدقية
وانا ابكي على شوي صياح هع
ويوم جت ٧ ونص يجي الدكتور حق الابرة وانا انتفض من الخوف بس توكلت على الله
وخلص شغله الساعه ٨ ونص الصباح
وكشفت علي الا هو مفتوح ٨
وتروح طيران تجهز الطاقم
وتحط القسطرة وهيك
وانا احس بالطلق بس اخف شوي عقب الابرة
بس موووت الطلق ماتوقعته كذا
يوم جت الساعة ١٠ الا ربع الا كلهم موجودين الدكتورة اللي تولدني ومعها دكتورة ثانية اللي بتخيطني و٣ ممرضات ووحده واقفه عند راسي تسولف علي
المهم الساعة ١٠ الا خمس بدوا يشتغلون ويعلموني الطريقة سوي كذا وكذا وكذا
واذا حسيتي بالم ببطنك يعني ادفعي
ويبدى الجد
يلا دفعه مستمره وخربطة خخخخ
الساعة ١٠ وربع طلع عبادي حبيبي بعد تعب من الدفع وروني اياه وطاروا به معاد شفته
نبدى من جديد الا البيبي الثاني خذ راحته ولف صار بالعرض وتقعد الدكتورة تحاول فيها تجيبها
لعنبوا بليسها دخلت يدها ومسكت الرجول <<تحمد ربها يدها صغنونة ولا كان صفقتها خخخخ
المهم ونبدى دفعه مستمرة ومتواصلة خخخخخ
وعلى الساعة ١٠ ونص تطلع ميمي لبى قلبها بس
مسكينة طلعت رجولها اول 
ورونياها وطاروا بها مع اخوها
وقغدوا يفغصون بطني ويطلعون المشيمات وخرابيط وتخيط وخلصت على الساعة ١١ ونص
واخذ جوالي ادق على زوجي قلت له مبروك يا ابو عبادي
قال احلفي قلت والله وقعد يصيح وصيحني معه
وسكرت ودقيت على امي واقولها يمه خلصت وقالت ياقلبي بنيتي طبيعي ولا ولدوك عملية قلت لاطبيعي وتقعد امي تصيح صياح قطع قلبي وانا اصيح معها
تقول من طلعتي من عندنا الى الحين وانا ادعي لك ويدي على قلبي
واسكتها وعجزت تسكت قالت بروح ابشر ابوك واخوانك ....... الخ
كانت ولادتي يوم الثلاثاء الصباح  ١٤-٦-١٤٣٢
وطلعت من المستشفى الاربعاء العصر
وعيالي بالعناية يابعد قلبي
عشانهم صغنونين ويشوفون تنفسهم وهيكات
بس امس قالوا ان الولد راح يطلع قبل البنوتة
لانها وزنها بعد قلبي نزل وزنها صار ١٦٠٠
ولازم يكملون الكيلوين وكذا
يارب ياكريم تعافيهم وتشفيهم وتطلعهم لي سالمين يارب
ادعوا لهم تكفووون يطلعون بالسلامة
وبس خلص الاكشن
يووه تعبت خخخخ