في يوم من الايام لفت نظري الاشياء اللي في البيت مكتوب عليها صنع في الصين
كل شي في البيت حتى الابتوب اللي اجلس عليه مكتوب صنع في الصين
تصدقون شريت لبنتي ملابس من بوتيك بربري سنتيريا مول وانصدمت مكتوب صناعه صينيه !!!!!كيف جت ذي ماني فاهمه!!!!
وادخل المطبخ وافتش الصحون صحن صحن ملعقه ملعقه قدر قدر<<<90% صناعه صينيه
حتى اكسيسوارات البيت والمفارش
لا اله الا الله ولاحول ولاقوه الابالله
يوم ولدت مولودي الاول الله يصلحه <<<ان شاء الله يكون امام للحرم وتصلن وراه يابنات حواء ذيك السنين انتن عجيزات <<<ياحليلكن
وكنت في الاربعين كان يزورني حريم كبار في السن وكل وحده فيهن اذا شافت ولدي تقول وراه ولدك عيونه ليش كذا كأنها عيون صينيين
وكل وحده شافته تقول ذا الكلام
ويضج المجلس بعيونه عوينات الصين ياربي روحو للمستشفى اكيييد مبدلين ومعطينكم ولد صيني<<<مايكفي النفاس تقومن وتحطمني:icon33:
وخواتي يتناغزن ووحده منهن تحط يدها عند عيونها وتمغطها<<<تبي تحرني
ومير اهوجس ذيك الليله ومانمت فكر يروح وفكر يجيب وعيوني على طفلي الجميل ياربي ليش عويناته كذا
واتصل على زوجي واقوله انتم مافيكم عرق صيني اسأل امك وهويقول انتي انهبلتي وش اللي صيني
بس ابشركم مع عوامل التعريه وجونا وبيئتنا رجع ولدي سعودي ملامح الشاب العربي الاصيل<<<فديته يبلغ الآن من العمر 3سنوات
الحين ملامحه سعودي 100%<<<<انزل صورته عشان تتأكدون ههههههـ امززح
لااله الا الله ولا حول ولاقوه الابالله
يوم الخميس طلعت انا واختي ام فراس نجوب شوارع الرياض ومير تطيح عيونا على السوق الصيني
وننزل نتمشى فيه ونجوب اركانه نسيت نفسي حسيت اني في الصين واللي اكدلي ذا الشعور ولدي يوم التفتت له وشفت عويناته وتذكرت سالفة الحريم يوم يقولن ولدك عيونه عيون صيني
يالله كل ماتذكرت ذيك الايام وان ولدي بيصير صيني طردت ذالك التفكير المخيف<<<تفكير احمق
ونطلع بنركب السياره وفجأه اشوف اختي ام فراس تتفحص السياره واقرب منها
اقرب
اقرب
اقرب
قلت خير وش فيها السياره
قالت لا ابد بشوف مصنوعه وين:mad:
قلت من جدك انتي بتتفحصين السياره في الشارع
اركبي بس ووننطلق الى بيتنا المعمور
ونحدث امنا الغاليه بمارائيناه في السوق الصيني حمسناها<<<
وقبل لا نروح لبيوتنا قالت كل وحده تتفحص قفى الثانيه وتشوف مدينه الصنع ههههههـ<<<ياحبي ياامي وسيعة صدر
بنات ماتحسون ان الصين مثل الاخطبوط كل شي لهم فيه شي
لا الاله الاالله ولا حول ولا قوه الابالله
Made In China
جوري بنت خالد