◕‿◕(-•♥ملف شامل لاستفسارات العطور(الجزء السادس)♥•-)◕‿◕

مبروك الملف الجديدههههههههههههههههههههههه صحي النوم متابعه من اول بس ماعندي شئ اضيفة لين اليوم جبت خبر حلو لبنات الشرقية تذكرون محل الربدي الي تتكلم عنة شام الله يجزيها عنا كل خير فتح قريب في العثيم مول ولا مسوي عروض

مشكورة شام ع ردك بالنسبة لمجموعة دريم من نكتار والفواحات

والشكر موصول لـ حورية ع مجهودها الواضح ذكرتي انه فيه عطر عند ايف روشيه زي شامبو هيربل وهالشامبو عجيب
اذا كان متوفر عندي واستخدمته اتمنى القى عطر نفس الريحه أحسه يناسب بعد الشاور
ان شاء الله بأقرب فرصه أجربه


^^
استفسار للجميع

شريت عطر 212 vip ريحته حلووه وعاجبتني واخذته مع اللوشن بـ 355 من فيسز
ع أساس باستخدمه يوم فرحي
لمن جربته بالبيت واتعطرت منه مدري ليش حسيت بصداع خفت اني توهقت فيه وخلاص بح الميزانيه مايمدي اشتري غيره :(
احد جربه وكيف ؟ زيي يجيكم صداع ولا يتهيألي للحين أشوف ريحته حلوه بس شسالفه الصداع < بصيييييح وربي

و شريت لانكوم هيبونز اسينسز ( لونه وردي )
سؤالي هل هو فواح ويناسب ليلة الفرح في حال ماقدرت اتعطر من 212 ؟

للحين عندي أمل يناسبني وكل يوم بتعطر منه الين اتعود عليه < راسه يابس
لا وبعد ماخذه 80 مل من زود الفلاحه اهئ

واااااااااو
يجننن الموضوع
يعطيك العافيه

إذا كنت تقصدين هذا فنصيحة لوجه الله لا تآخذينه .. أنا طلبته طلبية وكنت متوقعة بيكون نفس ريحة الأول بس أخف طلع لا زي ريحته ولا شيء بالعكس ريحته تكتم حاار بقوة يشحط على قولتهم وفيه زي ريحة العسل ..>> خليته لدولاب الملابس أرش وأسكره إذا برد يكون معقول
فرق كبير كبير بينه وبين اللي انت حاطه صورته هذا خياااال
وأقول لشمشومة العزيزة أي ياحبيبتي العطر موجود انقطع فترة ورجع حاليا / أمس كنت معطرة غرفة الضيوف منه آخر الرشات وناوية على جديد إن شاء الله ..

شمشومة قلبي صباح الخير ..
ممكن ياع يني تفيديني بهالإستفسارين ..
الأول .. عطر عنبر إلكسير لقيتيه وإلا ما بعد نزل ؟؟ وإذا كان لقيتيه بليز وين لأني تحمست له كثير ..
الثاني أسأل عن بقشان ما فتح له فرع عندكم بعد اللي سكروا ؟؟

وتسلمين ياسوكر :)