بصراحه رح تشرهين على امك لو وضعك كذا؟

شوفي قلبي

خذي نصحتي

انا امي كذا وكنت اشره كثير واتعب وهي ولا داريه

بس بعديت عزيت نفسي بنفسي

الله يخلي لي زوجي وفلوسي بتنفعني

يختي ليش التدقيق .... وذا طبخت الشغاله يختي نظافة الشغالة من نظافة صاحبة البيت وقدورها ومطبخها

بعدين انتي ظرف خاص لو جاك شي ما احد نافعك


خلاص اعتمدي على نفسك

انا كذا دخلت في عقلي الباطن ها الكلام

انا كبررت صرت مسؤلة عن نفسي ؤش دخل امي خلاص امي يا ما تعبت وربت وسهرت الليالي علينا

خلاص الحين دورها ترتاح مو نكلفها بمسؤليتنا احنا وعيالنا

صديقني وارتحت من دخلت ها الفكرة

جربي

لا والله ماشرهت على امي تعبت وربتني وتعبت علشاني انا واخواني كثر الله خيرها

والحين بعد ابيها تتعب وتناظرني انا وبناتي لا والله والله يجزاها عني كل خير

خليها على الله

شرهتى ماشرهتى

عادى

هى ام واجب عليك تبرينها

والله حاسه فيك لانى عانيت جددددداااااااااااااااااااا

واتحسر على نفسى لما اشوف الى حولى

الحمد لله على كل حال

امتثالا لامر الله مو لها

الله يعين على برها

الله يفرج لك من عنده حسبى الله لااله الا هو عليه توكلت وهو رب العرش العظيم كرريها 7 مرات والله يبدل همك فرج وفرح بعافيه

بنات آخر زمن .!
أمك اللي واجبك الإحسان إليها ولو كانت مشركة ، فما بالك بأم مصلية ومسمية ؛ تحملتك 9 أشهر في بطنها ، تحملت إرضاعك والسهر على راحتك ، وهذي تاليتها ؛ تشرهين عليها ، لأنها ما خدمتك وخدمت عيالك وزوجك !.
تبينها تقوم مقام الخدامة تطبخ لكم لييييييييش ؟ لأن كبدك لاعت من أكل المطاعم .!
وإلا اللي تقول لا تنتظرين خدمة من أحد الله يسلم لي زوجي وفلوسه .!
صارت الأم هالحين من الـ ( أحد) !
في الحديث عن علامات الساعة : ( وأن تلد الأمة ربتها ) ذكر أحد طلبة العلم وتحديدا في مجلة البيان عن معناها ، يقول - فيما معنى كلامه - ما نشاهده اليوم الأم تقوم على رعاية ابنتها وهي صغيرة وتستمر ترعاها حتى تكبر ثم بعد زواج البنت وإنجابها ترمي أولادها على أمها لتقوم بخدمتهم وقت خروجها من المنزل إما لعملها أو لنزهتها أو لسفرها .! يعني الأم صارت أمة عند ابنتها وهي صغيرة وكبيرة .!
وبعدين اذا صارت أمك تطلع لصديقاتها وتوسع صدرها ، خليها تعيش حياتها ما يكفي الشقا اللي شافته في حملها لك ورعايتها وتربيتها حتى كبرتِ وتزوجتِ ؟! مستكثرة عليها تعيش حياتها بلا مسئولية إضافية .! خلاص تزوجتِ وش تبين منها بعد ؟ تبينها تخدم بناتك ؟ وزود على كذا ، زوجك يشره عليها معك ؟ ما ألومه وانتِ تشرهين على أمك .
نعوذ بالله من الخذلان .

هذا الكلام يا بلاش