شاركي في النقاش

سجلي الدخول لإضافة تعليق.

التعليقات

4,918

  1. @algood_goody

    اسامي جميلة
    انا ام لثلاثة اطفال محل البناء الاحساء طبعا انا سبقتكم بكثير خلصنا الدور الارضي وبدينا في الدور الثاني وان شاء الله كلها شهرين ونخلص العظم
    ياقلبي كم استغرقت معكم مرحلة العظم

    حنا المقاول يقول اربعة شهور وينتهي من العظم بس مو مصدقه كيف اربعة شهور يبنون فيله احسها قليله مره

  2. @ansamamp_1

    يسعد قلبك ياعيناويه ههههههههههههههههههههه ضحكتيني حلوه نبني بقرض ومافيه عندنا شي مسروق
    انا بقول لك وش هي المسروقه وركزي معي
    الدور الاول شقتين الدور الثاني كمان شقتين لكن واحده منها مساحتها اكبر هذي الكبيره فيها درج من الصاله يطلع فوق على الملحق والملحق فيه غرف النوم وبس وعندي بالشقه الكبيره هذي مجلس ومقلط كل واحد مساحته 5في 6 ودورة مياه وقسم الحريم عندي مطبخ 4 ونص في 5 وفيه مخزن تقريبا 2 ونص في 4 وغرفة طعام 4 في 5 وصاله كبيييره 4 ونص في 8 ويفصلها عن الدرج جدار وبعده الدرج يعني مو مكشوفه للي بيطل من فوق ابدا والملحق فيه غرفة نوم رئيسيه 4 في 6 وغرفتين 4في 5 طبعا كل غرفه بدورة مياه وكمان فيه صاله ومطبخ صغيرون للخدمه وغرفة غسيل وبس وفيه طبعا درج الي يودي للسطح راح نستخدمه درج جانبي يطلع منه زوجي اذا فيه احديارب فهمتي على شرحي الملخبط اذا فهمتوا علي قولوا وش رايكم

  3. @asamy_gmyl

    أسألك ربي الجنه
    هلا وغلا بالجميع والله حسافه البنات في التشطيب راااائعات ومايقصرون على احد وان شاء الله يمرمرون هنا ويتقهون ونسولف شوي تكفوووون لاتخلونا عاد :icon33::icon33: بطاقتي الشخصيه ام لخمسه اطفال مكان البناء الدمام وصلنا لبناء الدور الاول …
    بالنسبة للسقف انا زيك 3متر و20 سم
    حلو الارتفاع
    الدرايش اتوقع مناسبة

  4. @krz_otot01

    اآآآهـ يابنات
    انا انفقعت مرارتي من المقاول
    يمشي بالحركة البطييييييئه
    تخيلوا شهر كامل في صبة الميده
    وشهرين في القواعد
    له معانا ٣شهور وماخذ راحته

    يرفع الضغط
    بنات انا شفت في منتدى ثاني تصميم البيت بالتصميم ثلاثي الابعاد
    روووعه يابنات
    تقدرين تشوفين بيتك ع الواقع حتى لو كنتي في مرحلة التخطيط
    حسب اختيارك للالوان وتنسيقك تسوين الصورة عشان تشوفينها قبل تتورطين وتطبقينها في الواقع
    حملت البرنامج البارح
    بس مرررره صعب
    احس يبغى له مهندس

تابعي تجارب أخرى من هذا القسم.