شاركي في النقاش

سجلي الدخول لإضافة تعليق.

التعليقات

71
  1. @daaandooon

    ذكرتيني بالأم اللي إستشهدو ولادها الأربعه ولما سألوها عن شعورها حكت ولو عندي اربعه غيرهم لقدمتهم من أجل فلسطين والأقصى
    طبعاً ما فيه إم فلسطينيه إلا قدمت الكثير للدين والوطن واللي مش عاجبه يمشي وهو مغمض عيونه ومسكر ادانه لأنه وين ما يروح رح يشوف ويسمع عن المرأه الشريفه اللي بمليون رجل من رجال هالأيام :26: لكل أم فلسطينيه بما فيهم امي حبيبتي اللي ياما انحرق قلبها على اخواني لما كانو اليهود يسجنوهم ومع هيك ضلت قويه وعمرها ما طلبت منهم الذل والتخاذل من أجل انهم يبقو بحضنها
  2. @dandosh

    DaaanDooon
    ذكرتيني بالأم اللي إستشهدو ولادها الأربعه ولما سألوها عن شعورها حكت ولو عندي اربعه غيرهم لقدمتهم من أجل فلسطين والأقصى طبعاً ما فيه إم فلسطينيه إلا قدمت الكثير للدين والوطن واللي مش عاجبه يمشي وهو مغمض عيونه ومسكر ادانه لأنه وين ما يروح ر…
    و1000 :26: لأنها جابت هالنوارة
  3. @daaandooon

    Dandosh
    و1000 :26: لأنها جابت هالنوارة
    حبيبتي دندوش إنت اللي نواره والله وإن شاء الله بتتحرر فلسطين وبتشوفيها إنت وكل إم فلسطينيه بالغربه بما فيهم حماتي اللي إلها 10 سنين مقدمه على تصريح زياره لحتى تشوف امها وبالنهايه امها ماتت الله يرحمها وما صحلها تشوفها
    يمكن البعض هون بفكر فلسطينيين الغربه حياتهم مرفهه ومش سائلين عن فلسطين بس الحقيقه المره انهم الهم بلد ما عمرهم شافوه والهم أقارب كمان ما عمرهم شافوهم وبتمنو يشوفو بلادهم ووين كانو أجدادهم عايشين
    و-10000000000 :26: حبيبة قلبي
  4. @daaandooon

    ولا تنسو إنه الام الفلسطينيه تضحيتها من زمان من أيام الانتداب البريطاني
    حبيت أحط كلمات لقصيده كتير مؤثره وبنصحكم تسمعوها على اليوتوب لأنها فعلاً بتحكي الوضع مزبوط


    محمد خليل جمجوم ولد بمدينة الخليل عام 1902م وتلقى دراسته الابتدائية فيها. أكمل دراسته الجامعية في الجامعة الأمريكية في بيروت وشارك في الأحداث الدامية التي تلت ثورة البراق ضد مواطنين يهود في زمن الانتداب البريطاني على فلسطين.

    عرف محمد خليل جمجوم بمعارضته للصهيونية وللانتداب البريطاني. جعلت مشاركته في المقاومة ضد الصهيونية أن تقدم القوات البريطانية على اعتقاله في 1929 م مع 25 من العرب الفلسطينين وقد حوكموا جميعاً بالإعدام، الإ ان الأحكام تم تخفيفها إلى مؤبد، الا عن ثلاثة هم:
    وفي يوم الثلاثاء 17 يونيو 1930 تقرر إعدام الثلاثة، وكان تطبيق حكم الإعدام شنقاً في محمد خليل جموم الساعة التاسعة صباحاً في سجن القلعة بعكا. وقد قدم الشاعر الشعبي نوح إبراهيم مرثية للمحكومين الثلاثة غنتها فرقة العاشقين ما زالت مشهورة لدى الفلسطينيين.

    كلماتها :
    • من سجن عكا وطلعت جنازه
    • محمد جمجوم وفؤاد حجازي
    • وجازي عليهم يا شعبي جازي
    • المندوب السامي وربعو عموما
    ..
    • محمد جمجوم ومع عطا الزير
    • فؤاد حجازي عز الذخيره
    • انظر المقدر والتقادير
    • بأحكام الظالم تا يعدمونا
    ..
    • ويقول محمد انا اولكم
    • خوفي يا عطا اشرب حسرتكم
    • ويقول حجازي انا اولكم
    • ما نهاب الردا ولا المنونا
    ..
    • امي الحنونه بالصوت تنادي
    • ضاقت عليها كل البلاد
    • نادو فؤادي مهجه فؤادي
    • قبل نتفرق تا يودعونا
    ..
    • تنده ع عطا من ورا الباب
    • وامي بستنظر منو الجواب
    • عطا يا عطا زين الشباب
    • يهجم علي العسكر ولا يهابونا
    ..
    • خيي يا يوسف وصاتك امي
    • اوعي يا اختي بعدي تنهمي
    • لاجل هالوطن ضحيت بدمي
    • وكلو لعيونك يا فلسطينا
    ..
    • ثلاثه ماتو موت الاسودي
    • وجودي يا امي بالعطا جودي
    • علشان هالوطن بالروح نجودي
    • ولاجل حريتو بيعلقونا
    ..
    • نادي المنادي يا ناس اضراب
    • يوم الثلاثا شنق الشباب
    • اهل الشجاعه عطا وفؤادي
    • ما يهابو الردا ولا المنونا
  5. @bnt_alboady111

    الدين المعاملة شو الاستفادة اذا الواحد بصلي طول النهار و الليل و بصوم كل يوم و معاملتله واخلاقه مع الناس شي بقرف و زفت و بيعطي صورة خاطئة و بتخزي عن اهل بلده و بيعكس تربية مو منيحة وببين انه عنده عقد نفسية و مريض و بعامل الناس بفوقية و هو شيء لا يذكر انسان تافه سطحي لا يفقه بالحياة شيئا و اخلاقه مع اخوانه المسلمين تعيسة بينما مع اعداء الدين بصير محترم و منيح شو الفائدة ؟؟؟؟ و بناء على ذلك المؤمن الي فاهم الدين صح بكون تعامله كويس متل معظم البنات الي فاتو هادا الموضوع اكابر و محترمين و على مستوى عالي من الثقافة و الأدب و الأخلاق و الرقي عكس بعض نفسيات بحاجة لعلاج عند طيبب اخصائي أمراض نفسية مستعصية ولا أمل من الشفاء و على فكرة طاعة الرب ما بتكون بس بالصلاة و العبادة الجسدية كمان بتشمل الأخلاق و الأدب مع الغير و احترام الناس و الحمد لله معظم صبايا المنتدى صاحبات دين قلبا و قالبا و للأسف في نسبة الله يهديهم و يكفينا شرورهم يارب


    تحياتي للجميع ......

تابعي تجارب أخرى من هذا القسم.