¨°o.O (( رابطة المتحزمات)) O.o°"

بجرب اشلون احط شريط الوزن بعد ما اكتب الرد ويطلع مع الرد منو تعلمني

اشلونكم يامتحزمات

مسك ابيض
مشكورة علي الرد انزين شنو بتسوين علي هالتساقط اخاف انصلع الشعر نصف جمال المراة انا سامعة عن الحبوب اللي قالت عنهم الكيكة اشرايج نستعملهم
ستار بكس2006
مثل ما قالتلج الكيكة سالي الدكتور بالنسبة لي سويت منظار وتحاليل دم بس وصلي استخارة قبل العملية وما خاب من استشارة الله
الكيكة
الله لا يحرمنا منج ووفقج يا كيكة ياحلوه صج اسم علي مسمي
بثينة1
ممتاز والله يتمم عليج النزول انا مسوية العملية صار لي 3 اشهر ما نزلت الا 5 كيلوات .ماعليج من الدكتور بس استمري علي الرجيم وابتعدي عن الكاكاو والحلويات نهائيا
لمياء
لا توسعين مثل ما قالتلج الكيكة

أختي مسك أبيض .. شكرا على الترحيب الحلو .. أنا عمليتي سويتها عند مستشفى العمادي بقطر عند الدكتور محمد العمادي .. الدكتور محترم وطيب .. نزلت 20 كيلو في خمس شهور بس مثل ما قلت لكم مشكلة التضويق الاخيره هي اللي متعبتني طبعا .. وردة فعل الدكتور عادي يضوق متى ما اروح له ويوسع متى ما طلبت منه يعني متعاون ..

النية الصافيه .. حاضر حبيبتي بس المشكله اني احس بإرهاق وصدام قوي وما اقدر اشرب اي شي حتى الماي .. حد صار له مثلي وبعدين تعدل الوضع ؟؟ وكم يستغرق الوقت علشان اقدر اشرب بس ؟؟

لمياء
ممكن بعض الاسئلة لوسمحتي؟
كم كان الوزن عند العملية ؟
ما شاء الله ال20 كيلو بخمس شهور كانتي تمارسين رياضه وشنو كان اكلج يعني نظام المتبع بالاكل؟
وكم مرة سويتي تضييق للمعدة عشان نزلتي بخمس شهور؟
وبالنسبة لحالتج ما سمعة عنها
انا مسوية تحزيم صار لي 3 شهور ونزلت 5 كيلوات وعملت مرتيين تضييق للحلقة المعدة
ومن سويت التضييق الثاني وانا ارجع الاكل الثقيل مثل الصمون العيش بس السوائل والشوربة تمام ما ارجعهم
وموعدي الشهر القادم يعني انا باقي لي شهرين وصير لي 5 شهور هل ممكن انزل 20 كيلو؟
اللهم امين