"ام طلال ولين" ما شاء الله تبارك الرحمن .. الله يحفظها لج ان شاء الله .. وسلامة طلال ما يشوف شر طمنينا عليه .. وصبرك على لين يمكن تخاف او شي ..
"ام رنا 2007" المشكله انه لما البيبي يعاني من اكزيما وتبدي معاه الاكل احتمال كبير تصيبه حساسيه وهذا كلام الدكتور بس اختك قلبها معروها على ولدها وتبي تأكله .. بس ان شاء الله بستناه يكمل 5 شهور واحتما كبير ابدا معاه .. مع انه الدكتوره في المنتدى تقوللي ممكن اعطيه عصير واختج محتاره .. مبروك تطعيمة ضي وانتي تقوليلي اكلي عبودي وانتي مجوعه ضي حرام عليج خذيها خليها تسمن وتربرب ..
"الغنادير" حبيبتي انا وعبودي عاملين زيطه وزمبليطه هههههههههه .. عفسنه بالسعابيل شكله صج يسنن لانه ترتفع حرارته ساعات وتكرمين بطنه ماي يعني يوم يسويها نغير كل ملابسه .. وكله كوم والسعابيل كوم خلصت السداري ههههه .. بس ممكن سؤال كم تطول الاسنان لين تطلع؟ فديتها لولو اشحالها؟ وبالنسبه للرضاعه انا ارضع طبيعي وساعات احس انه حليبي قل بس اهم شي تشربين سوائل وحليب طازج وماي وااااااايد ولو تقدرين اخذي فيتامينات احسن بعد .. وانا هالشي اللي يخليني اتردد بالريجيم لاني لما اقلل الاكل احس انه حليبي يقل ..
"rose_bah" امس عبودي فديته انقلب من على بطنه لين ظهره بس العكس لسه بدري شكله ههههههه .. عقبال ايه الله يخليلها لج ان شاء الله ..
"جلنار30" مشكوره على الطريقه يا عمري .. بس مو يقولون نعطيه كل عصير بروحه عشان نشوف يحسس منه ولا لا .. هذا اللي سمعته .. ادري بعمري حشره بس اول بيبي والحاتاه تذبح ..
"ولهانة الحجاز" ذكري الله يالغاليه وخفي على الرجال فعلا هو محتاج يشوف ضحكتك ويسمع كلمه حلوه منك ..
"imay" فعلا الغربه كربه بس ساعات الواحد يضطر عشان يشوف مستقبله ويحسن اموره ..
"~دااانه~" ما يشوف شر حمودي .. واخبار صديق ولدي مهند؟ يختفي ساعات احس ما عندي وقت عشان جذي ما ادخل والله وساعات ايي اقرا واطلع .. ومبروك على الشهاده وعقبال الوظيفه ان شاء الله ..
"عطر الشموع" مبروك تطعيمة يوسف وان شاء الله يصير احسن .. وبالنسبه للحمل انا قررت خلاص عشان يكونون اصدقاء ومافي فرق بينهم وبلا غيره بلا بطيخ .. وان شاء الله بياخذ حقه وزياده بعد انا قاعده ورايا ايه يعني .. والله ما عنديش اخبار عنهم واظن الموضوع تسكر ..
"FANDA" طمنينا على بيمي ..
"لوليا" لازم ترجعين تأقلمين نفسج اول يومين بتحسين حالج تعبانه لكن بعدين تتعودين ان شاء الله .. واظن كرسي الاكل ضروري .. والشغاله ما عندي فكره انا اللي جبتها كانت تعرف انجليزي وتفاهمت معاها ..
"زوجه و أم" مبرووووووووك على تطعيمة جوجو وسنها عقبال الباقي يا رب ..
ديـــــوان الطفـــل.^_^.لمناقشه مشاكل الطفل.
متابعة النقاش، صفحة 417