السلام عليكم
بنات أنا ضايقه فيني الوسيعه
أحس زوجي تغير على كثير بعد ماراح دوره لمدينه ثانيه ثلاثه شهور قبل سنتين كان لما يجي خميس وجمعه ما فيه شوق أو إهتمام فينا بس يبغى يطلع ويسهر مع ربعه ومرت الأيام وجبت بنت وفعلا لاحظت التغير لما طلبت هدية طلاعتي قال يصير خير وكل يوم على هالمنوال لما أصريت مره وصارت بيننا هوشه وقالي أول مره أشوف احد يشحذ هديه
طاب خاطري من الهديه بس مدري ليش أصريت عليها وجاب عطر ب80ريال قهرني بس سكت ومشيتها
وكان ياخذ بنت أخته لعملها ويشيل معها ثنتين بفلوس وسبق كتبت موضوع عن هالسالفه زعلت وهاوشت ورفضت لكن لاحيات لمن تنادي حتى مره قلتله إنت مو حاس إني غيرانه عليك ولا إهتم أحيانا بس يسكت ما يرد على ويبيني أسكت على الموضوع أكلت تبن وتحملت كل شي أشوفه وسكت لأني مهما تكلمت ماراح يسمع
تطور الوضع صار يطلب أي شي مني بتكشيره تقل يامر على شغاله
ما عاد بينا أي نقاش يجي يتغدا وينام ويطلع العصر وما يجي إلا 10 بالليل يتعشى وينام على 11ويفرفر بهالقنوات ولا كلمته يرد على قد كلامي ويسكت مستحيل ينفتح موضوع أصلا ما يبي يسولف معي
وإذا جتني الدوره هجرني من جد حتى الأكل احيانا يطلب العشاء وانا مشغوله مع العيال 10 دقايق أجي القاه خلص عشاه
يركز على سلبياتي ويصفني إذا زعل بأسوى الصفات
(إنتي قلبك أسود , حسوده و ما تحبين الخير لأحد, نكديه, ماعند كلام حلو, حياتنا صارت جحيم)
تتوقعون صار يكرهني أحيانا أبكي واقول حياتي إنتهت ما كان كذا
من حقي أسمع كلام طيب موشرط رومانسيات وخرابيط بس كلام محترم مو يعاملني تقل خادمه يامر عليها
ما كان كذا تغير كثير ولما تنزل دمعتي من كلامه القاسي قام يتريق علي ويقول جرحنا الحساسه ماتتحمل حرام
صرت أحاول إن دموعي ما تنزل تعبت نفسيا من تعامله صار ودي تجيه دوره مره ثانيه ويروح أرتاح شوي منه
مع أهله عال العال بس معي أنا تغير
معقوله يفكر يتزوج على
بديت أسوي رجيم ورياضه أحاول أعدل شوي في جسمي بعد الولاده
بس دايما أبكي ماني مستوعبه ليش تغير
أدري ما بيدينكم حل بس أبي أفضفض , زادت عصبيتي وما عاد أتحمل عيالي وحتى أهلى بس أتهاوش مع خواتي
وش اللي يخلي الرجال يتغير
شاركي في النقاش
سجلي الدخول لإضافة تعليق.
التعليقات
47- الله يكون بعونك
رفع - الله يصلح حالكم
- حبيبتي كل الرجال كذا بس انتي طنشي وعيش حياتك الي تجري ورا الرجل تمووووووووت ما يمل عينوه الا ترب
- الله يعينك ويصبر قلبك الله الله بالدعاااء والاستغفار والصدقه
- افرشي سجادتك وادعي من هو بيده كل شيء اجعلي همك رضا ربك وستجدي الفرج من عند الله
اكثري من الاستغفار وليكن بالولوف والله مجربة سيبدل الله احزانك ويسعدك ويهدي زوجك
اقراي سورة البقرة كل يوم او كل يوم جزء تختم كل ثلاثة ايام لاتتركيها وسيتعدل زوجك وسيطرح الله البركة عليكم
ادعي دايما اللهم إني استودعك زوجي اللهم احفظه بحفظك يامن لاتضيع ودائعه
اللهم حصن فرجه وغض بصره وسمعه واكفيه بنات الحرام اللهم احفظه بحفظك
حاولي انك تناقشيه من غير عصبية دوري على الاسباب إلي خلته يتغير
شوفي شخصية زوجك عن طريق بوصلة الشخصية او ابحثي في مملكة بلقيس والله يسخره لك
ورددي اللهم اشرح صدري ويسر أمري واحلل عقدة من لساني يفقهو قولي
اهتمي بنفسك مو عشاته لا عشان نفسك ورضا ربك
رددي اللهم اجعل لنا من ازواجنا وذرياتنا قرة أعين لنا واجعلنا للمتقين إماما
اللهم اجعلني مقيم الصلاة ومن ذريتي اللهم وتقبل دعاء
مواضيع مشابهة
تابعي تجارب أخرى من هذا القسم.