زوجي والبقاله

أنا ياخواتي متزوجه من 4سنين ولحد الآن عجزت أفهم شخصية زوجي المهم الحاجه اللي دايمآ تصير والموقف اللي مايتغير هو إنه إذا بغيت أزور أهلي بحكم إني ساكنه بعيد عنهم فماجيهم إلا بالشهر مره أو مرتين أو إذا بغيت أزور أحد من قرايبنا أو جيراننا طبعآ الزيارات تكون بينها فترات طويله المهم إني لما أطلب منه حاجه من البقاله أبي أي شي يعني فشله أدخل عالناس دايمآ يدي فاضيه خص أن معي طفلين المهم أذا طلبت يرفض ويقعد يهاوش ويقول انتي تكرهين الواحد أنه يخليك تسيرين وإذا غصبته جاب لي من أردى الأنواع وشي بسيط يستحي الواحد إنه يدخل فيه لا وفوق كل هذا يقعد يسب ويذل عشان هالشي والله اني بعض المرات من القهر اترك الحاجه اللي هو جاب بالسياره واقول خلها لك مع العلم إنه ماديته ممتازه ولله الحمد بس مدري ليش يسوي كذا
المهم ياخواتي الغرض من كتابة الموضوع ابي شوركم ونصايحكم وآرائكم بمثل هالموضوع وجزاكن الله خير...........

26 تعليق 2,616 مشاهدة

شاركي في النقاش

سجلي الدخول لإضافة تعليق.

التعليقات

26
  1. @roan_35

    يمكن طبعه كذا

    عالعموم انتي احسبي حسابك من قبل

    طلعتي السوق كذا
    جيبي هالشي وكوني مغلفته
    وعندك بعد يومين زياره مثلا
    حطيه معك

    الله يسخر لك زوجك ويسعدكم يارب
  2. طيب هوه بخيل والا بس اذا رحتوا عند الناس يسوي كذا

    الله المستعان
  3. @fkdtk_ymh

    الله يعينك ويسخرة لك ..
    بعض الرجال شخصياتهم غريبه ..مالنا الا الصبر
    انتي اذا رحتي سوق سوبرماركت اشتري لك كم كرتون شكولت واكياس بطاطس واذا جيتي تروحين خذي منهن وارتاحي من الطلب ..
  4. @thmr_2

    يالله ياقلبي مادام هذا بيزعله تجنبيه وإذا اضطريتي صلحي حلااء بالبيت
    طيب آذا خليتيها بالسيارة مايقول شئ او يحس
    وإذ رحتي لأهله مايجيب شئ

تابعي تجارب أخرى من هذا القسم.