احتاج مساعده عاجله// مستوصف اسنان للتقويم

الموهم ياجماعه انا قدرالله علي وركبت تقويم اسنان من 5 سنوات او 6 حسبي الله عليه الي ركبه لي والله يوم فكيت التقويم ان اسناني اشين من قبل لو اني ماركبت تقويم كان احسسن بس يله شسوي
عاد الحين ابي اركب تقويم مره ثانيه ومابي نفس الغلطه تتكرر علي
ابي افضل مستوصف او مستشفى يركب تقويم بالريااااااااااااااض
وياحبذا لو يكون بغرب الرياض
طبعا مب لازم اهم شييي يكون مستوصف زين لو بشمال لو بشرق اهم شي احصل ع نتيجه مرضيه
فالي يعرف يفيدني مع ذكر اسم الدكتور او الدكتوره بس ابييي مجربيين مابي احد يقول سمعت وسمعت لان التجربه خير برهان ابي احد سوا تقويم وشاف نتيجه كويسه واسنانه ضبطت
طبعا انا فررت بالنت وداخ راسي والله لي شهر وانا ابحث كلن يمدح شي واكثر شي المدح للخالد البليخي والخرسه
انا دقيت ع عياده البليخي قالوا مزحووووم ولا فييييييييييه موعد الى برمضان وين
والخرسه والله مدري عنه
عاد انا زي ماقلت ابي تجاركم تكفون مابي سمعت وسمعت ابي وحده تقول ركبت تقويم وفكيته والنتيجه كيت وكيت

انتضركم :26:

5 تعليق 6,939 مشاهدة

شاركي في النقاش

سجلي الدخول لإضافة تعليق.

التعليقات

5
  1. @nom_althalm_aabad

    انا مركبة عند عيادات سعود نقشبندي--------------------ش احمد بن حنبل-------- الريان -----شرق الرياض د اياد ---اعتبره كويس وكثير سألوني وين مركبه

    اختي ركبت عند د النششيبي-------في ش العليا بعماير الكمبيوتر يعتبر اشطر د في الرياض وفاهم جد
    صديقتي ركبت عند الخرسا غني عن التعريف بعماير السيركون----------كويس----بس احس النششيبي اشطر
  2. @rym_alryad

    المليخي ماانصحك فيه بس سمعه فقط اختي راحت له وبداء يشتغل على اسنانها وسوى اشعه لها وركب اللي تفرق بين الاسنان لمدة اسبوع وبعده راحت له في موعدها وقال بكل وقاحه مابي اكمل لك وبدون سبب وربي اني كنت معها بالمواعيد واستغربنا من تصرفه بس عليه طلعات وتقلبات
  3. هلا اختي
    انا مركبه تقويم في عيادات درة آرام في حي الخنشليله في طريق معن بن زائدة
    دكتوره آني فلبينيه
    مره كويسه وانا دخلت عن تجربه من بنات اخوي
    و****لله اكون افدك

تابعي تجارب أخرى من هذا القسم.