افتتاح الملف الأول لتشطيبات منزلك ...حياكم الله

شوفي الأحمر حلو لأكن بليمون قدام عينة
اي خلية خلفية السرير والجدار الي فية الدولاب عشان يتخبا
والباقي لون مختلف سوا كان ابيض او رمادي
لان الأحمر حار وهو مراهق راح يلهب نفسيتة
أنا من رايي كذا

السلام عليكم

هلا خواتي شخباركم

أتمنى لكم التوفيق في أموركم يأرب

وأبارك للحلوات إلي قربواا يخلصون بيوتهم

وأقولهم منزل مبارك بإذن الله

حبيت أسأل خواتي العزيزات والأخص بنات جدة

مين جربت مقاول ممتاز وفنان وشاطر وذوق

ويعرف بأمور السخان المركزي والشفأطات المركزية

وعوازل الصوت. والحرارة مكيفات الاسبلت. ولديه فنانين

في التبليط والجبس وعمل ديكورات مودرن

سامحوني حبايبي طولت عليكم

بس حبيت استفيد من خبرتكم. في مقاول شاطر

انتظر ردكم بفارغ الصبر

مع. تحياتي وتقديري

أختكم بنت الشموس

بس عندي ملاحظه انا دخلت تقريبا لنص المشاركات ولقيت كذا وحده يتكلمون عن الحمام وعن العربي الله يكرمكم
بغيت اقول لكم عن عدة تجارب بعدة شقق
كل شقه اسكن فيها يكون حمام الرجال عربي ماتتخيلون اشقد كنت اعاني من الريحه ومن الصراصير اللي تطلع هذا شي
الشي الثاني اي شي يطيح بالارض على طوول يتزحلق فيه واقعد اعاني عشان نطلعه لايسد علينا المجاري الله يكرمكم
وفي شي بعد اني اذا ولدت واحد بالحمام حق الحريم ماقدر استخدم حق الرجال غير ان عيالي بعد مايحبون العربي
وغير كذا جانا عمي قبل وكنا بشقه غير هذي ومسوي عمليه برجله ومايقدر يقعد على العربي وصار لازم يدخل الحمام اللي داخل واذا صار عندنا ضيووف قمة الاحراج له مسكين
وهالمره بعد شقتنا هذي من قبل اسكنها طلبت من ابو العيال يغير الحمامات لانها الاثنين عربي وقال لا وبالغصب وافق واضاف افرنجي للحريم وكم سنه وانا اعاني من حمام الرجال ويوم جا ابوه سوى عملية قلب صار يروح بيت عمه عشان الحمام ولمن يجي عندنا يدخل حمام الحريم وتعب لانه مايقدر يمشي وينحرج وجاب ابو العيال واحد وغير الاعربي وحط افرنجي قلت له كان من الاول ريحتنا والعربي بحمام الحريم مارضى يغيره بس حطيت فوقه الغساله وبعدين سكره لان يطلع منه صراصير وكل شووي يتسكر وجاب واحد سكره وصار يتجمع الماي تحت الغساله قلت له المفروض رفعت الارضيه شووي قال لا خلاص خسرتينا فنصيحه لاتسووون عربي ابدا
باختصار ريحه +انسداد+صراصير ويمكن فيران+ عدم راحه للمرضى او النفاس
وووبس طوولت عليكم هههههههههههههههههههههه